探熱針

瞓床 2個月 葉翠翠宣布佗狗 B

贊助商連結

葉翠翠去年四月為老公周曉東誕下小王子周津羲,兩公婆有子萬事足,葉翠翠除做 KOL外,全副心機照顧囝囝。據知有意生多一個的她,今年十月再造人成功,今次佗 B血壓低,她冇胃口兼要瞓足兩個月床,幸好向來注重保養,不單未有影響磅數,十週 B已經比標準 size大,跟小王子一樣健康有分量。

 

 

拖實老公
上週四(十二月二十八日)下午,葉翠翠孖老公同小王子到星街 high tea,著住大褸的她,雖然身形未有明顯變化,但面部略為浮腫,行路姿勢充滿孕味。原來,佗 B初期,她因血壓低經常頭暈要在家休息,就算身體狀況回復正常,她依然小心謹慎,落車後行去餐廳的一段路,幾乎全程拖實老公。
入到餐廳,葉翠翠放鬆晒,跟老公邊食邊講,其間又餵小王子飲水,九個月大的小王子雖然有得睇冇得食,但依然開心玩紙巾。
「翠翠佗第一胎時,都係過咗三個月先通知屋企人,今次都係一樣。佢佗 B初期,血壓低要瞓床,就連食飯都試過喺床度食,兩個月冇出過街,除咗因為應承朋友做剪綵嘉賓,十一月中稍為扮靚出過去,一直都喺屋企。」知情者說。


活潑精靈的小王子,外出食飯,很多時候都用紙巾抹枱。

 

小王子愈來愈多粉絲,葉翠翠很多時都會應要求放小王子新相。


現有 27磅的大碼小王子,爹哋飲水時望到實,好可愛。

 

媽咪即時拎出水樽,小王子極速飲晒。

未知仔定女
求證葉翠翠佗 B,現在行動自如,可以外出的她開心承認:「我哋未知係仔定女,老公希望第二胎係仔,我就鍾意女,所以生女生仔都一樣開心。」
佗第二胎,葉翠翠慶幸生完小王子後,一直有調理身體做足準備功夫,所以瞓床兩個月,完全沒有影響健康,第二胎依然比一般標準 BB磅數重。
「我佗 BB時會特別注重飲食,除咗個胎健康,出世後都會容易湊,好多媽咪都話睇我嘅 Facebook,跟住我嘅食療,生出嚟嘅 B都好長肉。」她說。


葉翠翠向來注重健康,懷小王子期間,她也會跟老公去旅行,身心放鬆。

 

生完小王子一個月,她 po相表示已經火速修身,原來注重飲食外,她一直有著功能內衣重塑身形,弗爆。

 

她返娘家拍賀年特輯,跟家燕姐同鼎爺齊齊食好嘢。

靚媽 KOL代表
向來對護膚扮靚有心得,早已儲了一批粉絲的她,榮升人母後又極速修身,加上小王子得意可愛,葉翠翠近日成為靚媽 KOL界代表。
「有一間台灣網絡平台搵我傾合作,原來嗰邊好興意見領 A,類似 facebook咁分享自己心得,不過就要俾錢入會做 member先睇到,佢哋睇中我有唔少媽咪粉絲,覺得可以搵我做其中一個意見領 A。其實有咁多人睇我嘅嘢,我已經好開心,事關最初同人分享自己經歷,係希望幫到人,估唔到反應咁好,呢啲都係 bonus嚟啫。」她說。


在教扮靚節目《姊妹淘》擔任過幾年主持,她跟莊思敏都成為扮靚達人,擁有唔少擁躉。

 

去年生完小王子兩個多月,她又再 po相,不單回復未懷孕前身形,更弗到可以騷小蠻腰。

 

十一月中,她在 Facebook上載瞓床及在床上食飯的相,有粉絲直接問她是否有了 BB。

狗年媽媽


新一年,好多 3字頭女藝人做人母,除葉翠翠有咗,方皓玟跟 Jessica C都開心宣布有喜,佗狗 B。

Jessica C


Jessica C跟打星安志杰( Andy)於 2015年 10月在馬爾代夫訂婚, 3月女兒 Tessa在美國出生,去年 10月他們才在夏威夷正式結婚。 JC早前宣布再做媽咪,懷孕 3個月, Andy認為是上天送給二人的聖誕禮物,男或女也沒所謂。第二任媽咪心情興奮,懷孕初期沒胃口進食,清減不少,希望現在適應後食多啲補充營養。

方晧玟


去年 5月與日籍模特兒安田慎吾結婚的方皓玟,上月底在 Instagram貼了一張超聲波照片,宣布好消息,她留言「感謝上天給我的禮物, It's a boy」。今年 7月是預產期的她收到好多朋友祝福,並表示會留港生產。

撰文、攝影:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()