撞見壽星女 Mona,鼎爺即刻肉緊吻賀對方。

同你吟一吟

鼎爺有心有力吻賀壽星女

贊助商連結

李家鼎(鼎爺)憑住無綫早前推出的烹飪節目《阿爺廚房》而人氣急升,雖然年屆七十有一高齡,但似乎現在鼎爺才踏入另一個事業高峰!咪睇鼎爺成七張嘢,佢仲係好有心有力㗎,頻頻出席活動之餘,又寫食譜開私房菜,認真犀利!

 

 

早前,戴着白色鴨嘴帽嘅鼎爺現身銅鑼灣行街,突然有班「阿豬媽」大聲嗌停鼎爺再蜂擁而上,原來係有班朋友為「養生健絡功」嘅 Mona老師陳萬麗慶祝生日!鼎爺同陳萬麗一向老友,一知道原來準備去生日飯局,即刻好熱情咁攬住對方狂啜,大合照時又作狀吻賀,壽星女照單全收兼笑到見牙唔見眼,鼎爺廚藝高,連冧女都咁掂!


鼎爺趁住假期現身銅鑼灣行街。俾成班「阿豬媽」叫停,鼎爺停低同大家吹水影合照。

 

錫完壽星女,鼎爺再同對方咬耳仔。

 

鼎爺憑《阿爺廚房》人氣爆燈,近年更開私房菜賺錢。


呢位 Mona姐,每星期巡迴幾個公園義教「養生健絡功」而聞名,圈中人鍾慧冰曾經跟佢學,郭少芸亦專登帶媽咪搵 Mona姐學養生功。

 

郭少芸

 

鍾慧冰

撰文:八珍
攝影:李玄

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()