自己友玩晒頒獎禮

探熱針

《溏心 3》「八婆」專業戶莊思敏冇得入圍

贊助商連結

《溏心風暴 3》收視低開,不過偷食及嗌交劇情卻成為網民談論熱話,被指是劇中第二個最討厭角色的莊思敏,更被大讚做「八婆」做得出色,跟關菊英同樣乞人憎。雖然被力讚做得好,不過無綫依然公事公辦,將一班《溏心 3》主要演員全部入圍一月中舉行的「萬千星輝頒獎禮」,只有她跟同樣唔係親生仔的唐文龍排斥出局冇得入選,擺明親疏有別。

 

 

最討厭角色
十一月底開播以來,《溏心 3》一直徘徊在二字頭收視,一班老戲骨回巢的大製作,反應卻低於 TVB最初估計。不過幾乎日日有交嗌的劇情,尤其關菊英和莊思敏這對最愛撩事鬥非的活寶貝,卻被網民捧為兩大最討厭人物。
同樣演得出色,親生女關菊英有份競逐最佳女主角,唔係親生的莊思敏就連入圍機會也沒有,被網民指大台又玩「大細超」。
對於有網民替她不值,莊思敏回應:「每個機構都有自己嘅比賽機制,我覺得有網民留意到我俾心機做戲已經好開心,其實呢部劇喺網上點擊超過四億,而家好多人都鍾意上網睇劇,所以收視算係唔錯。」


《溏心 3》除陳敏之同唐文龍呢對偷情男女跑出,莊思敏同菊姐攪屎棍角色,亦深得網民歡心。

 

有唔少網民為一眾表現好,但非大台親生仔女的演員,冇份入圍台慶頒獎禮而感不值。

 

為咗等埋《溏心風暴 3》播畢,大台罕有將台慶頒獎禮延至明年初。雖然此劇網上收視有四億點擊,但本地口碑未如理想,在台慶攞大獎,唔知有冇難度。


回巢的唐文龍在《溏心 3》的表現帶來突破贏口碑,可惜竟然冇緣角逐台慶獎。

 

台慶劇《溏心 3》雲集多位好戲主角,但跑出的通通是配角。


夏雨同司棋姐雖落力演出,但因缺乏新鮮感,故氣勢不復之前兩集。

 

除非資歷有番咁上下,否則獲提名頒獎禮的人,以親生仔女為主。

孖型男睇日落
演繹角色有突破,感情生活卻毫無進展,接近四年冇拍拖,開到口要積極搵另一半的莊思敏,早前被本刊拍到她孖型男在淺水灣酒吧歎咖啡睇日落,問她是否終於有着落,她坦言:「我同佢只係見過幾次,每次都係問一啲關於專業知識。所以問我係咪有機會發展?真係唔係嗰回事,大家不過係普通朋友。」
如果有下文,莊思敏亦唔會散 band後叫司機載佢返山頂屋企,同型男各自離開。

 

Dry咗四年冇拍拖的莊思敏,早前發現她跟型男在淺水灣撐枱腳,不過最後各有各走冇下文。

撰文:娛樂組 
攝影:何子洋、蕭敬漁

文章標籤
創作者介紹

明星八掛大分享★☆

tvb4life 發表在 痞客邦 留言(0) 人氣()