hjlll.jpg

十大恩愛 No.1

娛頭

19年婚姻仲好激情郭藹明閨房絕技緊箍劉青雲

贊助商連結

幸福婚姻從來不易,在圈中更加難得,數恩愛藝人夫婦,劉青雲郭藹明、吳岱融鍾淑慧、鄭伊健蒙嘉慧必入榜,但講到 no.1,非劉青雲郭藹明莫屬。
十九年婚姻仍然激情,全靠五十歲郭藹明妹上身,以閨房絕技緊箍五十三歲劉青雲,同時幫老公炒樓錢滾錢,加上學煮餸煲老火湯,三路進攻,幸福果然靠自己爭取!

 

 


返家途中,郭藹明突然撒嬌,向老公劉青雲摟抱抱。有個咁可愛嘅老婆, cool爆劉青雲真係冰山都被劈開。

 

摟抱

嘟嘴心心眼冧夫
要管掂老公, keep得好是常識吧!五十歲郭藹明仍然白滑,素顏仲睇得,不過單靠靚樣怎能治到劉青雲貼貼服服。半百的她要有顆少女心,這招最煞食。
日前二人在西貢拍拖摸住酒杯撐枱腳,雖然店中爆滿,但郭藹明仍可忘我地向青雲投以傾慕目光。老婆變 fans,劉青雲明顯很受落,二人整晚不斷喁喁細語。說到肉緊處,郭藹明又嘟嘴又心心眼,更嬌俏地為老公鼓掌,十足少女初戀的熱度,高招!


為婚姻保鮮,就要時刻回到初戀時!深明此道的郭藹明,就算年過五張,對住老公,舉手投足都要似少女一樣。

 

攬攬邊夠㗎!要激情嘅郭藹明當街錫錫,兩公婆互嘴幾啖,深夜放閃,西貢街坊唔好以為係拍戲!

當街摟抱狂攬啜

除黑夜,白日都一樣掟閃蛋。呢日劉青雲買外賣咖啡,等得唔耐煩嘅郭藹明本來嬲爆爆走咗!點知唔夠廿秒走返轉頭,一嘢攬住老公撒嬌,至於劉青雲表情……

贊助商連結

 

對老公死心塌地嘅郭藹明,使出如粉絲見偶像嘅心心眼神望住劉青雲,令伴侶長年享受被戀慕。

 

兩公婆拍廣告,郭藹明肉緊一吻,絕對真心,唔係做戲。

每週四次老火湯
為婚姻保溫,郭藹明坦言目前是她的收成期。一切努力經營,得來不易,尤其是劉青雲對飲食有要求,她說:「老公以前唔鍾意返屋企食飯,可能我煮得唔好食,又唔會同朋友講個老婆識煮嘢,家陣會話:『佢都煮得 OK!』」
碩士畢業的郭藹明,婚前為劉青雲放棄返美國完成航天工程師的夢想,婚後她亦為冧老公,苦練廚藝,試過去泰國旅行都刻意去學煮咖喱,現在每週煲三、四次老火湯,煮四、五餐飯,搞掂老公個胃。


一五年劉青雲當金像影帝,攞獎時在台上對住老婆講「太空船宣言」,感激當年郭藹明同佢一齊而放棄返美國做航天工程師嘅夢想。一六年佢開咗間製作公司,名字叫「小飛船」,細水長流嘅婚姻,其實係要互氹。

贊助商連結

 

98年兩人共諧連理。


當年二人合作拍神劇《大時代》撻着,劉青雲說第一眼望見她,就忍唔住再望多一眼。

 

碩士畢業生,演技精湛的郭藹明,為劉青雲甘願減產做煮飯婆,全心全意照顧老公。

炒樓滾錢二千萬
這個賢內助更識錢滾錢,幫劉青雲投資從沒失手,自九四年開始炒樓,由村屋、豪宅到工廈都有,每次賺少少就離場,累賺近二千萬。
最重要是她絕不囉唆和操控,她說:「佢(劉青雲)係嗰種唔肯妥協就點都唔肯妥協嘅人,無得軟化,所以有啲事我唔會講多過三次,你唔聽係你嘅選擇,萬一撞板,你再用我嘅方法啦!」
識做又有情趣,百般遷就兼體貼,努力經營一段美滿婚姻,郭藹明多勞多得!

隱世炒賣高手
郭藹明於 98年下嫁劉青雲,婚後減少幕前演出,全職為老公理財,做他背後的女人,二人唔只恩愛,眼光仲好獨到,多年來炒樓,鋪鋪賺錢離場,累賺近二千萬。現手持的數個物業全部升值,助老公財富滾大。


西貢西沙小築 E座雙號 2千呎獨立屋 3,280萬( 14年)現市值 3,500萬

 

塘尾道慶年大樓地鋪 520萬( 13年)現市值 600萬

 

油麻地廟街雅達商業大廈地鋪 728萬( 12年)現市值 950萬

撰文:娛樂組
攝影:陳奕龍、蕭敬漁

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()