同你吟一吟

孖猷君溝女 放棄法拉 薛世恒追國產女

贊助商連結

早前賭王四房孻仔何猷君被爆同內地大佢六年嘅超模奚夢瑤拍拖,仲浪漫到喺上海阿媽四太嘅商廈物業 LED外牆,以巨型心心投射示愛。

 


嗱,八珍聽聞呢啲其實係猷君參加內地真人騷《愛的時差》嘅溝女橋段,唔只何公子,陳法拉前夫, Neway大公子薛世恒都係呢個溝女真人騷嘅一分子。
據聞 40歲嘅薛公子喺真人騷被編入「中坑組」, 22歲嘅猷君就梗係「鮮肉組」。雖然兩個無正面交鋒,但話晒都係香港代表,溝女成績點都有比較。猷君追超模,薛公子就溝內地演員馬蘇。為咗得手,有劇組爆薛公子唔止唱歌,教滑雪冧女,仲學埋韓神劇《來自星星的你》一幕男女主角瞓喺滑雪場浪漫談情。唔知呢啲招數係咪當年追華姐法拉必勝法?
呢個真人騷十二月尾出街,雖然結局保密,但睇個勢,猷君溝女招數似乎掂過薛公子。


俾人發現佢同強國演員馬蘇行街,其實係溝女真人騷嘅內容。

 

被編入中坑組嘅薛世恒能否打動馬蘇,呢個結局仲係保密。

 

唔知薛公子有冇將曾經追前妻法拉嘅招數,運用喺真人騷呢!


據聞佢為追馬蘇,要彈琴彈結他唱情歌。

 

猷君喺節目入面追奚夢瑤。

 

猷君喺阿媽嘅物業外牆打心心燈示愛,用錢堆砌嘅浪漫情節,啱佢身份。

撰文:八珍 
攝影:李玄、蕭敬漁

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()