港姐泳衣要經佢過目(真實對白)

探熱針

陳志雲新節目爆大台秘聞,六嬸生前落港姐限奶令

贊助商連結

大台早前忽然落限奶令,令一眾咪神被迫戒奶。不過日前陳志雲為網上電視主持雜誌式節目《大開眼界》時,爆出「六嬸」方逸華生前已親自下旨「限奶令」,針對目標是港姐佳麗。六嬸更插手管埋泳衣設計,為港姐事業線把關到底。在她掌權期間,出爐的葉翠翠、曹敏莉及徐子珊等,都走唔甩一件頭泳衣見人。

 

 

01年


雖然六嬸下旨要港姐「限奶」,泳衣要加布,甚至變一件頭。不過經她設計意見,就算密實仍能凸顯女性身材美態。

05年


06年


在六嬸要求三點式加布下,參選時陳茵媺的岩石胸依然奪布而出。

六嬸睇唔過眼
志雲大師既是復活亞視打頭陣猛將,主持《百萬富翁》,同時亦在網上「 OpenSky.tv」開節目《大開眼界》,孖甄詠蓓、音樂人林家謙大講電視風雲。曾是 TVB高層的他,在新節目爆唔少大台秘聞。其中一集關於大台「限奶令」,原來宅男福利節目《 3日 2夜》誕生前,早在「六嬸」方逸華生前掌政年代,她已因睇唔過眼港姐泳衣,內部下旨要港姐「限奶」。


志雲大師與舞台界殿堂級的甄詠蓓、音樂人林家謙,齊齊主持電視雜誌式節目《大開眼界》。

 

在大台掌朝尾聲,六嬸依然對港姐決賽到實。陳庭欣 10年參選時的三點式,對比今日她在性感旅遊節目《 3日 2夜》所穿的,明顯健康好多。

 

泳衣加布防漏奶
陳志雲在節目說:「我印象最深係港姐泳衣,方姐當日好投入去傾呢啲製作時,對呢點幾堅持,佢會話:『點解啲衫整成咁,使唔使咁細件呀!依家睇女仔乜嘢呢?』佢話使唔使睇到連罅都睇埋,唔啱喎!咁最後梗係有轉到啲衫(泳衣),加多咗布。」


六嬸當朝期間,由港姐服裝到布景都需經她審批拍板,決賽當日她亦到場觀賞。 03年曹敏莉當選的一屆,更出現冇睇頭的一件頭泳衣。

 

 

六叔生前在六嬸陪伴下會見出爐港姐。

六嬸管埋泳裝設計
為嚴防一眾港姐佳麗變大奶奶,愈見暴露,六嬸更索性插手管埋港姐服裝設計,隻手遮胸。陳志雲續說:「後期有段時間啲設計,直情要俾方姐過目,咁佢對呢方面睇法都好前衞嘅。」方逸華於二○○○年正式掌權 TVB,至一二年才全身而退,掌政十二年期間,港姐泳衣在六嬸限奶令下,就算保留三點式,事業線能見度低,甚至出現冇睇頭的一件頭。


陳志雲為復活亞視主持《百萬富翁》外,近日亦忙於與倪秉郎合作,明年初公演的舞台劇《主席萬歲》彩排。

 

陳志雲爆六嬸唔 like港姐泳衣太少布,一句:「使唔使睇到連罅都睇埋!」從此港姐心口塊布覆蓋要夠大, 04年徐子珊與 06年參選的徐淑敏,穿的三點式並不暴露。

 

港姐只代表 TVB?
事後再問陳志雲,六嬸年代已經「暗啞底」存在「限奶令」,他說:「如果用呢個名詞,我可以話係有嘅!因為唔好睇到呢個係賣弄胴體嘅節目,佢覺得唔應該咁樣表達,港姐係講求美貌與智慧並重嘅選美,雖然講真 TVB選出嚟,其實都只係 TVB小姐,不過香港人覺得已經係代表咗係香港小姐,選完又會俾旅發局或其他部門邀請做代表去宣傳香港,咁選美就要有一定嘅格調,方姐要求係啱嘅。之後唔只服裝,連港姐布景設計都要經佢過目。」

志雲大師預測王浩信

錄影前,三位主持坐埋開會,做足功課。


陳志雲在《大開眼界》亦提到在新加坡先拔頭籌當視帝的王浩信,但他說:「啱啱攞咗星和視帝嘅佢,以我以往經驗同主觀感覺,星和攞完,香港就唔攞。咁多年台慶係唔會改期,但今年改咗去一月廿一日,因為有《溏心 3》出,最尾一集係一月十九日。」
錄影該集節目時,《溏心 3》未出街,但志雲大師竟然開口中。「除非《溏心 3》掀唔起熱潮,收視極低,否則最近觀眾一套劇(對台慶頒獎禮投票有着數),一投票係咪最記得嗰套。」如今台慶劇《溏心 3》收視差強人意,唔知志雲大師會唔會改變睇法,覺得王浩信仲有機呢?


陳志雲對奪新加坡「星和」視帝視后的王浩信及李佳芯唔多睇好,指兩人在台慶頒獎禮再下一城機會微。

 

台慶劇《溏心風暴 3》收視低開,播出至今仍未有起色,要在台慶頒獎禮有成績,似乎有難度。

撰文、攝影:娛樂組 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()