憑《溏心 3》人氣勁,唐文龍日前在餐廳跟朋友慶祝生日,即被食客要求合照,他有求必應,影完相更會留低傾偈,好得女粉心。

探熱針

《溏心 3》爆肌型佬突圍唐文龍 facebook溝到女

贊助商連結

在《溏心風暴 3》做型佬教授惹來一段孽緣的唐文龍,成為劇中唯一一個受歡迎角色,網民 like爆,演藝事業再有起色,去年 12月跟好友劉永健合資的日本餐廳,唔夠一年又有錢賺,現正物色新鋪開分店。不過事業行大運,愛情就暫時零分。原來唐文龍跟拍拖七年圈外女友分手後,經 facebook識到女朋友,二人拍拖一年又告分開:「我覺得自己做緊 95後嘅事。」

 

 

 

搵敏之老公擺和頭酒

跟陳敏之有幾場火辣床上戲,唐文龍自言拍得好辛苦,並不如大家所想咁舒服。


今年四十八歲的唐文龍,在《溏心風暴 3》跟陳敏之有唔少火辣床戲,被網民洗版讚入型入格。他說幸好當時沒有女朋友,不過知道拍檔陳敏之老公「冇眼睇」兩人的床上戲,他笑言要擺「和頭酒」氹人哋老公。
「大家睇呢場戲以為拍得好容易,我哋由夜晚十點開始拍到第二朝五點,拍咗七個鐘,冷氣又凍,拍完一個鏡頭,就要用毛巾披身。」他說。

蘭桂坊 chok識女仔
○九年返內地發展決定跟拍拖七年的圈外女友分手,向來是宅男的唐文龍,就算回歸香港三年多,識女朋友途徑也不多,拍拖一年的前度也是在 facebook認識。
「坦白講,我係宅男,冇乜渠道識女仔,唔通真係坐喺蘭桂坊 chok住識咩?兩年前朋友叫我玩 facebook同 instagram儲 fans,我同 facebook一個女仔幾啱傾,係咪靚女就見仁見智,但最重要係大家性格同價值觀都相似,拍拖一年左右,因為有啲意見不合,好自然分開,不過大家再見亦是朋友。」他說。
網上識朋友,好多人指他大膽,不過唐文龍覺得只是做緊九五後的平常事:「其實喺網上識人,我係好陌生,不過我哋呢啲年紀,都係要做番傳統嘢,約出嚟見面,雙方了解先開始拍拖。」


09年離開香港返內地發展, 13年終於拍到荷里活大製作,演出奇洛李維斯處女執導的《太極俠》。

 

未離開無綫時拍過不少電視劇,跟楊思琦和鍾嘉欣合作《人生馬戲團》時,已經升到男二。

 

初入行,他跟陳少霞拍戲撻着,更不介意公開戀情,一起接受訪問。


唐文龍當年極冧對手阿佘,已經成為公開秘密,雖然最後食檸檬,他也沒有刻意否認。

 

去年日本餐廳開幕,老闆之一劉永健跟周家蔚擔任剪綵嘉賓,三人亦有合作投資網上購物平台,十分有諗頭。

日本餐廳再開分店
回歸香港三年,事業穩步上揚,就連和好友劉永健合份投資的日本餐廳在開業一年後也有錢賺。
「同朋友傾偈,大家都話上年巿道唔算好,我哋好好彩餐廳生意唔錯,唔係賺好多,大概有四百萬,足夠開分店,我哋之前喺銅鑼灣同鰂魚涌都搵過地方,不過租金好貴,而家仲未揀啱,希望租金唔好再升,可能農曆年後會搵到。」


日日操練身手的他,有機會就會騷大隻,更不介意放上網同粉絲開心 share。

 

他曾教學功夫的羅子喬詠春,雖然擺明車馬一心二用,不過依然「食檸檬」收場。


去年中他跟好友劉永健行街飲下午茶,被指轉性變 hehe,他即時否認兼表示斬腳趾避沙蟲,未有再約對方睇戲。

 

九五年入行拍《古惑仔》系列電影,當年跟現在的樣貌無乜大分別。

被女飛
在紐約 Fashion Institute of Technology攻讀 FIT女裝設計學士畢業的唐文龍,有身形有學識,不過幾乎每次拍拖都是被飛多,但再見亦是朋友,有些更會找他傾心事。


陳少霞:94年,唐文龍跟陳少霞拍電影《現代古惑仔》撻着,拍拖六年多,兩人事業發展均沒有起色,陳少霞主動提分手。一年後,陳少霞跟第一任澳洲籍老公結婚並誕下兩女,離婚後搵唐文龍搭路亞視拍劇。

關心妍:03年,二人被拍到拖手行街,有指關心妍為事業棄愛情,拍拖唔夠半年分手,女方更指只視唐文龍為哥哥,極力否認拖友關係。

 

羅子喬:14年六月,他被拍到跟超人之母羅子喬在圓方睇戲,事後男方雖然大方指女方是自己杯茶,不過最後都係「食檸檬」收場,追唔到。

撰文、攝影:娛樂組

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()