探熱針

繼續爆點只得釘帶,鄭俊弘用電擊頸箍虐狗

贊助商連結

本刊揭發鄭俊弘殘忍對待愛犬 Riley,利用充滿傷害性布滿倒鈎鐵鏈綁狗,事件爆出後,全城憤怒狂轟鄭俊弘虐狗行為可恥。
之後,鄭俊弘同何雁詩急急在網上 post文回應,鄭俊弘表示使用釘帶是訓練員建議,又話係好常見工具,企圖淡化傷害狗仔的嚴重性。
就當鄭俊弘所講釘帶是訓練狗隻正常工具,但係本刊還發現他在去年三月,帶 Riley去數碼港玩時,幫 Riley戴了一條電擊頸箍,記者還影到鄭俊弘鬼祟使用遙控器當場電擊 Riley,唔知喺鄭俊弘同何雁詩心目中,這種又算是什麼訓練?

 

 


鄭俊弘將電擊狗帶遙控掛在頸上,收埋在 T恤內,其間他攞出遙控電 Riley,被電到的 Riley立即搖頭。

 

此圖清楚可見 Riley被戴上電擊頸箍。

全城憤怒
鄭俊弘為了要令拉布拉多愛犬 Riley可以受到「後底乸」何雁詩控制,竟然幫牠戴上一個布滿倒鈎鐵鏈的狗帶,這款狗帶在外國很多地方都禁用,而且愛護動物協會的醫生更強烈反對狗主使用這款釘帶,因為會對狗隻造成不必要傷害,甚至變成虐畜。
事件揭發後,全城插爆鄭俊弘惡行,但他始終毫無悔意,更同何雁詩一齊 post文回應事件,死撐使用釘帶有理。
但原來鄭俊弘虐狗招數唔只釘帶一樣,本刊在去年三月,見過鄭俊弘帶 Riley去數碼港放狗,當時 Riley頸上出奇地有三條頸帶,比一般狗仔多。而其中一條黑色皮帶,由於同 Riley毛色一樣,「黐地」睇唔清楚,所以當時未有發現有任何異樣。


表面睇鄭俊弘真係好似愛狗之人,但原來背後對狗仔如此兇殘。

 

由於電擊頸箍同 Riley毛色都是黑色,所以唔易被人發現,但當 Riley抬起頭,就可清楚見到個電盒。


Riley其實同鄭俊弘所講一樣好乖好聽話,就算同陌生人同陌生狗都相處融洽,真係唔明鄭俊弘點解要施酷刑。

 

高危頸圈


電擊頸圈( Shock Collar)是以無線電子裝置,通過電擊及震動來訓練狗隻,令牠在恐懼下服從。
根據愛護動物協會 Dr. Jane Gray表示,任何情況下都不建議狗主使用。使用電擊狗帶,如電流太強狗隻可能會被電流灼傷皮膚,尤其長毛犬傷口被狗毛遮蓋,主人未必及時發現,令狗狗的傷口受感染。長期使用更會對動物心理和行為也會有影響,因為狗隻不明白是什麼引起電擊。愛協提倡以正面的訓練方法,先與狗隻建立信任,再以獎勵、稱讚方式訓練。
台灣更有新聞報導過,曾有人嫌狗狗太嘈,為愛犬戴上此類「止吠器」,二十秒被電流電死暴斃,送院不治,可想而知對狗隻傷害性有多大。


鄭俊弘在上星期六參與《星光熠熠耀保良》,心情完全沒有受虐狗新聞影響。

 

Riley好乖又聽話
但自從虐狗事件後,記者再翻查之前影過有關鄭俊弘放狗的相片同影片,竟然再揭發他另一宗虐狗行為,原來這條黑色皮帶,是一條電擊頸箍,在狗隻喉嚨位置,附加有一個有電小盒子,只要用附設遙控器一按,狗隻就會即時觸電,這些通常用來對付狗隻亂吠,又或者會輕易襲擊人或動作的狗隻,在外國有唔少地方都禁用。
而當日所見 Riley極之乖巧聽話,活動範圍都只係在鄭俊弘十呎內,同其他狗仔追逐,都唔會走得遠,同埋只要鄭俊弘拍吓大髀,或者叫 Riley,牠都會乖乖返回主人身邊,就算有被陌生人撩, Riley都好乖任人摸,試問一隻如此馴良乖巧狗仔,點解要受到主人殘酷對待。


因為對愛犬使用釘帶,鄭俊弘被各界人士狂轟。

 

 

鬼祟電狗
其間鄭俊弘同 Riley行了去一處較少人的地方,見到 Riley走了入欄杆外,鄭俊弘當時突然揭起 T恤,原來他收埋了電擊頸箍遙控在衫內,見他攞住個遙控㩒了一下, Riley即刻 fing頭,企圖想 fing甩頸箍,同時鄭俊弘見到有人經過,立即鬼祟地將遙控放回入衫內,然後扮若無其事。
在公眾地方, Riley又不是做一些攻擊性行為,又或者亂吠,鄭俊弘都要電擊 Riley,呢個行為真係點講都講唔通。


虐狗報導出街後,鄭俊弘同何雁詩都有在 Ig post文回應,但將責任推落 Riley身上,指牠太過好動同興奮,所以先幫牠戴上釘帶,又話係教練建議使用。

 


近幾個月已經無見到 Riley喺鄭俊弘屋企出現,只見到何雁詩所養的狗仔。

 

 

鄭俊弘開口埋口都讚 Riley馴,有次梁烈唯以為 Riley好惡,鄭俊弘即刻話 Riley唔惡,仲成日被其他狗欺負。

大話 Fred
今年中,鄭俊弘被揭世紀賤男真面目,死口唔認同何雁詩拍拖,多年來連番大話被揭,形象破產,一鋪清袋。

唔認姜麗文關係


13年, Fred生日被發現於姜麗文屋企過夜, Fred解釋原本約咗十幾個朋友去食飯,結果全部臨時甩底,更否認與姜麗文拍拖。

呃女友開緊工
14年,多次被拍到背住姜麗文溝女,有傳試過男方同女友話開緊工,轉頭就被姜麗文朋友斷正同女仔於屋企附近食糖水。

一腳踏兩船


被爆收埋拍拖三年多的未婚妻 Beebs,並一腳踏兩船,鄭俊弘即大話澄清,當時衝動向 Beebs求婚卻遭對方拒絕,二人分手亦無再聯絡,更表明與何雁詩雙方均互稱為朋友關係,女方並非小三。

承認講大話


堅稱與何雁詩只是普通好朋友,其後再被爆二人十指緊扣到西貢睇樓築愛巢。兩日後,鄭俊弘索性與何雁詩現身機場,高調拖手認愛,並承認之前曾講大話誤導傳媒。

撰文、攝影:娛樂組

文章標籤
創作者介紹

明星八掛大分享★☆

tvb4life 發表在 痞客邦 留言(0) 人氣()