孫仔似乎對 shabu-shabu冇乜興趣,又托頭又望街,最後都係出去透吓氣,同班街坊傾偈冇咁悶。

同你吟一吟

江湖大佬朋友多陳惠敏孫仔西貢周圍走冇有怕

贊助商連結

江湖大佬陳惠敏七十有三,雖然冇喺江湖打滾好耐,不過紮根西貢,一家住喺嗰度好多年,無論惠敏嫂同孫仔都同呢區街坊好熟落。

 


早幾日,佢帶住老婆同孫仔智峰一齊去屋企附近食 shabu-shabu,老人家加小朋友踏正六點就開始食晚飯。孫仔同後生時嘅陳惠敏一樣咁好動,食飽咗就充滿 energy,扎扎跳行出行入餐廳無時停,全程冇跟實更加冇望過一眼嘅陳惠敏反而好淡定,原來孫仔社交能力強,同附近鋪頭嘅人好熟落,仲識得傾完偈自動波返餐廳同阿公交人,有個醒目孫仔,難怪陳惠敏食得咁放心。

呢位燒臘檔長髮姐姐好細心,見佢條褲歪咗,即刻幫佢移番正。


陳惠敏早排同孫仔喺西貢飲下午茶,孫仔玩刀,佢都係好淡定,不愧見慣大場面。

食完飯,陳惠敏、老婆加埋自動歸隊嘅孫仔,三人行一齊返屋企。
撰文:八珍
攝影:陳亦龍、楊紫

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()