探熱針

婚前搵錢余文樂拍王晶袋 5000萬

贊助商連結

余文樂 5號宣布封盤,跟拍拖一年多的台灣模特兒王棠云在澳洲結婚,公開晒幸福「在對的時間遇上對的人」,令他整個世界充滿歡樂,今年大豐收的余文樂,不單老婆有餡雙喜臨門,婚前接拍的內地劇《冒險王衞斯理》,更有機會搵快錢,一鋪過收足五千萬,賺足老婆本。

 


雙喜臨門
入行十七年,余文樂今年榮升人夫,雖然否認老婆有餡,不過好友彭于晏就唔小心露口風,指他是時候做老豆。雙喜臨門,余文樂今年更是財源廣進,婚前接拍王晶監製的大型網劇,一鋪過收足五千萬。
「樂仔最初想推唔拍,因為拍完《狂獸》打得好辛苦,不過身邊人同佢分析,大拿拿五千萬,都係拍大概半年時間,呢筆錢用嚟投資買樓都好。加上《衞斯理》好多粉絲,部劇有一定收視。」知情者說。

在埃及沙漠拍外景,余文樂跟女主角胡然都拍得十分辛苦。

跟胡然在內地拍機場戲,余文樂表現投入,有粉絲影相也懶得理。
撐老友打到飛起
電視劇分三季播出,每季十二集,孭飛余文樂拍足三十六集,先後在深圳、埃及、日本取景,余文樂有半年時間周圍飛。
「雖然呢部係科幻劇,但都打到飛起,佢之前拍戲打到周身傷,好多舊患,近呢幾年都盡量揀拍愛情片,啱啱上完嗰部《狂獸》,因為導演係佢老死,為咗撐老友,佢明知辛苦都照接。《衞斯理》入面,佢同伍允龍做兄弟,更加唔打唔得,不過開戲前,劇組講明會安排替身,所以佢最後都應承。」工作人口員透露。

余文樂發給傳媒的婚禮照片,他既開心又表現鬼馬,看得出心情超靚。

 

好兄弟彭于晏露口風,指余文樂係適當時間造人。

胡然飾演白素,是劇中衞斯理女友,二人之前已經合作過,也算是老拍檔。

飾演原振俠的伍允龍在 Ig公開新劇有搵替身幫手,表明就算再好打,都要抖吓氣。

今年九月,憑《一念無明》在《十大華語電影表彰典禮》攞到「年度男演員獎」,余文樂坦言終於有機會在台上感謝合作團隊。

網絡劇市場大,王晶近年主打拍電視劇,更會高價請演員。
一反常態
由頭打到尾,余文樂開工時卻一反常態,全程冇投訴兼拍得十分開心,原來跟王棠云有關。
「以前同樂仔開工,佢多數好 cool唔出聲,尤其是拍打戲,可能受過傷,表現得好謹慎。不過拍《衞斯理》,大家都未知佢計劃結婚,只係見佢日日放閃,心情好到不得了,喺片場講電話就笑唔停,仲同大家講呢個女仔同佢好夾,拍拖一直好開心。(任達)華哥仲催佢快啲結婚,估唔到佢靜雞雞開始籌備。王棠云都幾旺佢,拍拖之後,樂仔賺到錢,結婚使咗一大筆,拍呢個劇賺番晒。」工作人員透露。

十一月初,本刊拍到他一個人在大坑食日本菜,王棠云未有同行。

 

一四年跟古天樂作電影《迷城》,他拍到「爆缸」,要入院打針止痛。

Janice Man近年在內地發展不錯,今次拍十二集《冒險王衞斯理》,她也收七百萬。


網劇有市場,拍開電影的林家棟跟文凱玲也接拍電視劇,跟伍允龍在《衞》劇中,同樣都要打。

跟張晉合作的電影《狂獸》,大部分時間在水中拍攝,他自言以後也不想拍落水戲。
天價
有國內市場的香港演員身價不斷上升,為要搶演員檔期,王晶監製的《冒險王衞斯理》,單是余文樂片酬就高達五千萬,不過相比國內一線演員片酬,也並不是大數目。


陳偉霆 9,000萬
12年往內地發展,韓風打扮的陳偉霆,成新一代小鮮肉。一劇接一劇兼有代表作,如《少年四大名捕》、《老九門》,有指年初他已開價 9,000萬一套劇。


文詠珊 700萬
15年文詠珊憑跟梁家輝、張震、王學圻等大卡士合作電影《赤道》在國內打響知名度後,她開始接拍電視劇,雖然未正式坐正女一,但樣靚加上有新鮮感,在國內有不少粉絲,今次接拍《冒險王衞斯理》,雖然只拍第一季,但也收七百萬。


Angelababy 8,000萬
算是半個香港人的楊穎,自從做人母後,身價不跌反升,有指未婚前拍的中國版綜藝節目《奔跑吧兄弟》( Running Man),她的片酬也不過是 800萬。但最近推出的電視劇《孤芳不自賞》,片酬已颷升到 8,000萬。
撰文:娛樂組
攝影:余一駱 

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()