早前 Moka同媽咪從「城府」出發,去 Times Square行街。

探熱針

火速修身 Moka錫住城城荷包

贊助商連結

今年四月, 51歲郭富城終於做老襯,迎娶 30歲國產 model方媛( Moka),奉女成婚。九月 B女 Chant出世,城城有女萬事足,更講明要繼續追 B,想生多個 B仔,湊成個好字。
至於嫩妻 Moka,由淘寶 model榮升做天王嫂,飛上枝頭,仲帶挈埋家人,為了方便照顧 B女,城城以月租八萬元,租埋跑馬地寓所樓下單位,招呼岳父岳母。兩老幫手湊孫,坐完月的 Moka火速回復元氣,頻頻出關 high-tea兼 shopping。不過城嫂好識錫住老公荷包,齋睇唔買,好節制。

 

方便岳母湊孫
成功嫁入郭家, Moka疊埋心水做少奶奶,服侍老公同寶貝女,為了一家團聚,方媛由上海移居香港,入主「城府」。城城更以月租八萬元,租埋位於跑馬地寓所樓下單位,俾岳父岳母入住,方便兩老湊孫。
「佢哋第一次做爸爸媽媽,兩個都冇經驗,又唔放心交個女俾工人,所以最好係岳母湊啦!城城媽咪都樂意湊嘅,不過始終年紀大啲,幫吓手就得,岳父岳母仲好有魄力,佢哋最適合喇!」 Moka身邊人透露。

Moka主攻中價牌子,睇完衫再睇首飾,不過都係得個睇字。

 

行咗一個下晝, Moka依然兩手空空,似乎無乜心情。
齋睇唔買
有媽咪幫手, Moka唔使湊女即「身痕」 shopping,日前 Moka同媽咪一齊喺跑馬地寓所出動,城嫂出關,寓所樓下實 Q大為緊張,不停四圍望,又向 Moka媽通風報信,之後兩母女登上 Uber出發。去到時代廣場,約咗好姊妹 shopping的 Moka先行落車。
呢日 Moka著住緊身牛仔褲,桃紅色針織外套,手揸 Doir手袋,一身貴婦打扮。不過貴為天王嫂的 Moka,都好識錫住老公銀包,主攻中價牌子。先逛法國名牌 Sandro, Moka拎起白色喱士裙拼完又拼,似乎好啱心水,但諗過度過,最後都係放低走人。之後 Moka又去睇首飾,不過一樣得個睇字,跟手去埋潮牌店 Kenzo,最終都係兩手 fing fing無收穫。

方便岳父岳母湊孫女,城城在跑馬地寓所,租埋樓下單位俾兩老居住。

好擦得
生女唔夠三個月,城嫂話咁易就修身成功,已經回復未生之前 model身形,呢日又見佢出動,約埋班好姊妹去中環食好「西」,四個女仔坐正餐廳窗口位, Moka好好胃口,炸雞薯條大啖大啖送入口,咁擦得,唔怪得 Moka咁好奶水喇!早前 Moka喺微博上載新相,影住一包包奶仲留言話:「每天幫寶寶多儲一點,來自媽媽的愛。」 Moka咁有貨, B女肯定肥肥白白。

Moka約埋班姊妹去中環食好「西」,見她大啖炸雞放入口,好擦得喎!

順其自然追 B
專心做好天王嫂本分, Moka一直希望再下一城,繼續幫城城追 B。 Moka只係三十出頭,加上城城一向操得弗,追 B應該完全冇難度。
「城城都講過順其自然啦,有就梗係好喇!不過佢哋又唔會刻意追仔,仔女都一樣鍾意。」

今年十月,城城五十二歲生日,啱啱坐完月嘅 Moka幫老公慶生,兩公婆仲繑到實一實。

%九月囡囡 Chant出世,城城上載一家三口拖手相,勁溫馨。

早前 Moka在微博上載新相,影住一包包奶,仲留言話:「每日幫寶寶儲多一點。」
慈父上身
浪子終有被收服的一天,圈中有不少藝人,自成家立室做人父後,轉性一樣,父愛爆棚,多添一分成熟穩重。

陳小春:前排陳小春父子兵上陣,孖住四歲餅印兒子 Jasper拍內地真人騷《爸爸去哪兒》大受歡迎,節目內小春一副嚴父形象,同時亦表露其慈父一面,為兒子遮擋太陽,早前應采兒在微博拍下老公陳小春一手拎住小書包,一手抱住兒子的相,並表示「長大了……我說是左邊那位(指陳小春)」,令網友高呼溫馨。

鄭中基:分別是六歲大女和兩歲兒子之父的鄭中基,而家已經變成黐家好男人,昔日粗口橫飛的他,為了一對寶貝仔女,在屋企戒粗口戒煙,今年初演唱會,仔女更上台支持,場面溫馨。

陳冠希:陳冠希與女友秦舒培今年四月於美國誕下女兒 Alaia,陳冠希自從升呢做人父後,父愛爆棚,經常於網上大晒囡囡 Alaia的萌相,及家庭溫馨照,對住女兒格外溫柔的陳冠希,被不少網民笑指他是晒 B狂魔。
撰文:娛樂組
攝影:陳亦龍、楊紫

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()