克勤:出年我唔玩喇,俾吓面啦!(設計對白)
側田:你講到咁,惟有當敬老啦!(設計對白)

探熱針

放風明年唔攞獎 李克勤出口術 側田隨時讓座

贊助商連結

近年各大頒獎禮星光薄弱,吸睛度、認受性已大不如前,但入行三十年的李克勤,就想趁五十大壽威一威,成為各大頒獎禮大贏家。據知,今年各大頒獎禮的男歌手獎及商台的至尊大碟獎,克勤志在必得,故近日英皇開始放風,指克勤會宣布明年引退頒獎禮,藉此向各大電台施壓,為他爭取橫掃男歌手獎及至尊大碟獎。一直被視為「至尊唱片」得獎大熱的側田,面對克勤要求完美句號,隨時要拱手將大獎讓俾前輩。

 


講到明恨獎
入行三十年的李克勤,年初以三千萬高價過檔英皇,參加內地歌唱節目《我是歌手第四季》成功打入內地賺人仔,加上開了入行三十周年演唱會,為事業再創聲勢。
近日,各大電台收到英皇唱片放聲氣,指克勤玩埋今年頒獎禮就不再攞獎,「十二月六日係克勤五十歲生日,佢話會宣布出年唔會再玩頒獎禮,所以希望今年可以攞個大滿貫,拎晒咁多個電台嘅男歌手大獎,以前佢成日喺商台叱咤食白果,所以佢今鋪仲講明最想拎叱咤嗰個『至尊大碟獎』,公司一早已經話將容祖兒及張敬軒放埋一邊,集中火力谷克勤,難得陳奕迅今年冇歌,要拎就要趁今年拎晒,克勤自己好明白。」有英皇員工透露。

克勤與商台的關係一直麻麻,早年經常食白果,直至○四年才破冰。今年,他講明想拎「至尊大碟」,講到出口,商台應該識做。

勁敵陳奕迅今年顧住賺人仔而放軟手腳,令克勤大有機會橫掃各大頒獎禮的男歌手獎。

英皇為克勤舉行一連八場的入行三十周年個唱,令他的人氣高企。
做場大龍鳳
為幫克勤圓夢,英皇九月先為他開八場個唱造勢。個唱上,克勤感觸表示近年是事業衝刺期︰「每個人,尤其男人,唔同年紀都應該有唔同夢想。」為頒獎禮部署鋪定路。
近日他宣傳新歌《龍鬚糖》,更做了場大龍鳳,在商台擺檔整龍鬚糖,再去電台派給 DJ們,又揚言今年會力撐各大頒獎禮,一反以往低調作風。對於有指他今年會首奪叱咤男歌手金獎,他坦言︰「讀書不是求分數……就假,但交俾公司處理,有就開心……」

回歸香港樂壇的側田,得到樂迷支持,下月開的演唱會迅速爆滿,加上年中與李幸倪為商台唱了一場拉闊音樂會,有聲有勢。
大熱是側田
環顧今年樂壇,陳奕迅主力返內地賺人仔,香港氣勢減弱, hit歌欠奉。反觀側田回歸香港戰場後,幾首派台歌都氣勢如虹,登上各電台的榜首,分數計是叱咤「至尊大碟獎」暫時領先的歌手。不過,突然殺出克勤開到口話最後一年攞獎,各電台自動波俾面、識做,幫他圓夢畫上完美句號。前輩要攞尾彩,有指側田已做足心理準備,隨時拱手將大碟獎讓俾克勤。

為了幫新歌《龍鬚糖》造勢,克勤搵了專整龍鬚糖的師傅,在商台合力擺檔,再派給各大電台 DJ們,好有心思。

商台

香港電台

李克勤參加內地歌唱節目《我是歌手》,成功打入內地市場。

今年克勤以三千萬高價過檔英皇唱片,在公司強勢打造下,創造了事業另一個高峰。
撰文、攝影:娛樂組

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()