向海嵐約女朋友嚟個 high tea先,薛公子就中場加入。

同你吟一吟

超齡闖娛圈薛公子搵向海嵐取經

贊助商連結

同袁偉豪撞樣,似孖生兄弟嘅 Neway太子爺薛世恒,以四十歲之年超齡入娛圈。冇緊要,屋企又唔係等錢開飯,梗係把握時光追夢啦!

 


入行要取經,不過薛公子唔係搵前妻陳法拉,而係搵《無頭東宮》向海嵐。呢日向海嵐同個姊妹喺置地 high tea,食到半路薛公子中場加入。話明係公子, High tea梗係叫杯白酒先襯番公子嘅 life style。

係咪對住兩個女人有啲唔自在,還是怕醜?歎緊杯白酒,薛公仔都仲係好拘謹,一啲都唔 relax。

之後向海嵐不停向佢講解一啲嘢,薛公子就乖乖咁聽,雖然八珍冇順風耳,百里外唔知佢哋講乜,但從男方坐得正襟危坐,向海嵐又傾得咁認真,斷估都唔係風花雪月啦


為夢想,薛世恒四十歲闖娛圈,仲搏命進修演藝課程。

向海嵐(右二)同薛公子前妻陳法拉(右一)都係選美出身,不過當年佢兩個冇正式合作過,無乜兩句。

好多網民都鍾意向海嵐演奸妃嘅《無頭東宮》,可惜到依家佢都未心動想返 TVB拍劇。

傾完向海嵐就急急腳走先。
撰文:八珍
攝影:李玄

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()