Yumiko即化身慈母踎低氹女。

探熱針

Yumiko湊女有進步梁浸浸當街扭計都搞得掂

贊助商連結

鄭希怡( Yumiko)湊住兩歲半愛女梁子柔(梁浸浸)參加內地真人騷《不可思議的媽媽》,作為新手媽咪的 Yumiko,起初經常俾梁浸浸搞到情緒失控崩潰鬧女,但熱身過後,兩母女感情更進一步。日前返到香港, Yumiko繼續做潮媽帶住阿女去 shopping,行到攰的梁浸浸在中環大街扭計, Yumiko即化身慈母踎低氹女,場面溫馨!

 



梁浸浸喺中環當街扭計唔肯過馬路。

行行吓,梁浸浸唔小心跌咗心愛嘅玩具落地,她即時緊張地拾回。
當街扭計
Yumiko同化妝師梁學儲( Andy)的寶貝女梁浸浸,天生一頭曲髮,眼仔碌碌又成日整古做怪,出世冇耐已經人氣高企,有阿女帶挈,早前 Yumiko同梁浸浸母女檔參與拍攝內地真人騷《不可思議的媽媽》搵真銀!節目出街後,起初 Yumiko表現得無乜耐性,成日崩潰鬧女,搞到她被質疑平日湊女靠晒工人、甚少親力親為照顧女兒,但始終都係新手媽咪,照顧小朋友方面大有進步空間。
日前一身潮媽打扮的 Yumiko帶着囡囡梁浸浸現身中環 shopping,行足粒幾鐘, Yumiko一手孭住幾大袋戰利品,另一手就拖實囡囡,準備過馬路時,梁浸浸突然扭計唔肯行, Yumiko冇發脾氣之餘仲耐心地踎低安慰阿女,着住牛仔連身裙嘅浸浸扭到露出尿片兼甩頭箍,場面搞笑,而 Yumiko迅速幫阿女整頓完一輪之後就氹掂上車走人!

Yumiko同老公 Andy間中都會撇低梁浸浸偷閒拍拖。

 

一身潮媽打扮的 Yumiko現身童裝店,幫梁浸浸掃貨。
計劃追多個
一二年同化妝師梁學儲( Andy)結婚的 Yumiko,本來和丈夫協議唔生 B,後來意外懷孕有咗梁浸浸,生完之後都話明唔再追多個,但自從上完節目, Yumiko面對九個小朋友都搞得掂之餘,又見梁浸浸同其他小朋友相處融洽,令 Yumiko改變心態。
「 Yumiko之前一直都話自己湊一個小朋友都未搞得掂,所以擔心再多一個會好吃力,但佢最近竟然好雀躍同我哋講,話想趁自己後生生多個,等梁浸浸有個伴,仲話如果係仔就圓滿!」 Yumiko身邊人說。

早前 Yumiko率領陸永的兩位女兒為慈善行 catwalk,由於梁浸浸仲細,所以 Yumiko未有帶她同行。

Yumiko自從參與真人騷節目後,發現自己不再害怕面對小朋友,仲改變心態,計劃生多個。

梁浸浸在節目中扭計狂喊,作為新手媽咪的 Yumiko,頂唔順狂喊崩潰鬧女。
撰文:娛樂組
攝影:何子洋、蕭敬漁

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()