陳慧珊打扮得相當師奶,對住老公又經常皺晒眉,顯得更加老氣。

探熱針

對住老公皺晒眉 47歲陳慧珊面色枯黃 keep唔到

贊助商連結

曾經橫跨九十至千禧年代當紅 TVB花旦陳慧珊,自從 2006年在美國同鍾家鴻( Mike)結婚及生女後,她便減少幕前工作, 15年復出幫 TVB所拍的《波士早晨》成為倉底貨,對幕前演出心灰意冷,所以走去攻讀教育學位,同時又要做師奶兼顧湊女,因此減少保養, 47歲的陳慧珊,體形變得大隻之外,皮膚都變得枯黃,加上對住阿女同老公都成日黑口黑面,比起同期的花旦明顯老態盡現。

 

充滿學識的陳慧珊,幫阿女揀書,都會揀啲攞晒獎《 Tom Gates》系列圖書。

 

輪到老公想買嘢,陳慧珊手指指,似乎唔批准買。
拍劇變倉底貨
四十七歲的陳慧珊( Flora)二○一五年重返 TVB拍《波士早晨》後,點知套劇俾大台當係草,變成倉底貨播出無期,直到最近 Flora終於再有幕前演出,不過今次並唔係幫 TVB,而係幫 ViuTV拍攝一個關於婚姻的真人騷《婚姻五重奏》,她的老公鍾家鴻更有份在節目中亮相。
上個月 Flora出現 ViuTV的節目巡禮活動,無見一段時間, Flora雖然經過悉心打扮又化行妝,但見她身形變得大隻咗不少,魚尾紋及眼紋都唔少,而且有輕微雙下巴出現,整個 look都相當師奶

十年前陳慧珊都屬於靚女一名,間中都會有性感打扮。

曾經攞過視后,《衝上雲霄》絕對是陳慧珊代表作之一。
變得勁師奶

上個月出席 ViuTV活動,陳慧珊化晒妝,但都難掩面上皺紋。

化了妝都如此,如果無化妝又會變成點?《壹》仔日前就見到 Flora同老公及九歲大女兒到中環太子大廈行街,當日零化妝的她面色帶點枯黃,而且她對住老公時,經常黑面兼皺眉,搞到法令紋又長又深,凸顯老態。
當日 Flora陪囡囡買書,她都會親自篩選過,認為適合先會俾阿女買,最後阿女買了一本二○一三年出版的《 Tom Gates is Absolutely Fantastic》,係一本搞笑幽默又有創意兒童系列小說,可以激發小朋友創作思考,咁有用難怪 Flora會俾阿女買,但係老公就無咁好彩,鍾家鴻睇中一盒筆,問老婆俾唔俾買時, Flora又繼續擺出一副皺晒眉模樣,而且仲講到手指指,睇嚟都係唔批准居多。
陳慧珊要一邊讀書,又要兼顧屋企同湊女,而且更加係全家經濟支柱,如此大負擔,難怪無時間去 keep fit扮靚,俾同期一班花旦比下去!
凍齡花旦
當年曾與陳慧珊並列的無綫花旦,包括宣萱、郭可盈、蔡少芬等,個個都 keep得一副好身材,全部都係凍齡美魔女,完全沒有老氣。
宣 萱 47歲


宣萱曾經試過因為失戀而暴脹,不過近排回巢無綫拍《不懂撒嬌的女人》及《使徒行者 2》,突然 fit番晒,她透露靠飲食節制,一星期做四日運動及充足睡眠來維持身形。
郭可盈 47歲


港姐出身的郭可盈,一樣都係 47歲,近年專心湊女未有復出打算,但郭可盈冇變師奶,依然氣質十足,身材與樣貌沒有太大改變。
蔡少芬 44歲


已為兩女之母的蔡少芬,近年主攻內地市場,蔡少芬凍齡有法,皮膚白滑,不時於社交網上載素顏照片一樣零皺紋。
張可頤 48歲


張可頤 94年港姐入行,雖然早前甲狀腺出現問題,導致眼凸兼面腫,但近年病情得以控制,加上努力做運動,回復昔日狀態,早前穿性感一件頭泳衣,相當養眼。
吳美珩 45歲


09年與有米老公王華麟結婚後,甚少見她出席公開場合,早前無綫重播《妙手仁心 III》,劇集與現在相差 12年,但網民依然大讚吳美珩仙氣十足,更希望她復出。
撰文、攝影:娛樂組 

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()