抗癌五年李明蔚

探熱針

馬浚偉幫癌病女歌手李明蔚出碟圓心願

贊助商連結

二○一○年以組合「小龍鳳」出道的李明蔚,認識她的人一定不多,因為出第一首歌後,一二年發現證實患友口中得知她的故事,願意為她新錄的歌出碟,不過新歌宣傳前,她突然呼吸困難,要入院做手術煞停工作。為了替明蔚圓心願,今個月底,馬浚偉幫她舉行簽名會出碟,完成她一直堅持的歌手夢。

 


謝安琪鄭敬基默默支持
李明蔚抗癌五年,不少圈中人都默默支持,其中包括 Kellyjackie、謝安琪,表姐麥嘉瑜、鄭敬基和林淑敏等以及幫她出唱片的馬浚偉。對於月底出席簽名會,馬仔坦言因母親癌病逝世,妹妹也曾經患乳癌,所以特別關心李明蔚。
「我覺得明蔚好有 potential,又靚女,佢未有因為呢個病放棄理想,令我好感動,我只係出一分好少嘅力,只不過印碟、派台同安排簽名,幫佢完成出唱片,佢首歌同 MV都係朋友幫佢做嘅。我希望多啲人認識佢嘅音樂,我同佢講,就算醫好後,聲帶受影響,都可以作曲填詞。」馬仔說。

經過三十八次電療、四次化療後,李明蔚依然樂觀堅強。

二○一○年,李明蔚跟 Tommy(左)和 Anson(右)組成「小龍鳳」,當年的她仍有 baby fat。

十一月二十五日舉行簽名會,到時一班好朋友會出席撐場。
父母令她堅強

最鍾意唱歌的李明蔚,在錄音室笑晒錄歌。

朋友疼錫,以及父母悉心照顧,給李明蔚無限支持和力量,早前喉嚨做手術幫助呼吸,她至今說話仍有困難,要以文字溝通,近日面部神經發炎引致面癱,她也不能出來接受訪問。
「其實馬浚偉決定幫我做新歌宣傳之前,有日我流咗好多鼻血,要入醫院做手術抖氣。好多謝佢幫我完成心願,仲有好多圈中朋友支持同祝福,有啲前輩歌手唔識嘅,都有留言支持我。但爸媽和家人嘅支持,係我最大力量,佢哋一直照顧我,見到佢哋瘦咗好多,擔心同緊張嘅樣,令我更加唔會放棄,係佢哋偉大嘅愛,令我堅強。」明蔚表示。

 

鄭敬基

 

麥家瑜是李明蔚表姐,不時給她健康資訊和鼓勵。
「佢從來冇喺我面前喊過……」
前六合彩女郎周嘉莉在 18歲時跟李明蔚認識,兩人一起做動漫節宣傳女郎,由患上癌症到今天,她說李明蔚都積極面對:「佢患咗好罕見嘅腺樣性囊癌,呢個位置好近血管,所以唔可以做手術,只可以做化療同電療,呢段時間,我同佢日日聯絡、陪住佢,有時大家會出街,佢好堅強,從來冇喺我面前喊過。佢俾好大希望自己,希望可以好快好番,食想食嘅嘢。但啲癌細胞都幾惡,一路蔓延到其他器官,佢早排喺喉嚨做手術,影響講說話同唱歌,佢最鍾意唱歌,而家暫時唱唔到,作為朋友,佢係一個好榜樣,俾我未必頂得順,不過好開心好多人幫佢完成心願。」

十八歲的李明蔚跟周嘉莉在動漫節做 promotion girl。

周嘉莉跟李明蔚識於微時,她目睹好友發病到治療,十分堅強。
撰文、攝影:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()