肉都赤埋!
(設計對白)

探熱針

做惡魔網民 like爆黃子恆生意全線結束蝕 60萬

贊助商連結

台慶劇《降魔的》脫膠成功,口碑兼收視跑贏《誇世代》,除主角馬國明被推舉為視帝大熱,就連年多前因誤食人妻裕美,慘被一鋪清袋的黃子恆,亦憑劇中演紅眼惡魔人氣反彈,網民 like爆。據知,黃子恆擔心裕美事件賠上前途,所以去年開服裝店及飾物店鋪後路,點知經營一年,卻因商場收鋪而被迫結業,未計存貨已蝕 60萬。

 


單拖隊啤
上週三(八日),在灣仔為新劇《是咁的,法官閣下》開完工的黃子恆,一個人坐電車落銅鑼灣,去 HMV打書釘、聽新唱片及揀選影碟,行了個多小時,空手離開。之後去附近的餐廳醫肚,一個午餐再配一杯大 size啤酒,邊看劇本邊飲啤,食飽埋單,就乘港鐵回電視城開工。

08/11黃子恆當日拍完《是咁的,法官閣下》外景,一支公搭電車落銅鑼灣,好貼地。

黃子恆當日拍完《是咁的,法官閣下》外景,一支公搭電車落銅鑼灣,好貼地。

他先到 HMV睇影碟、打書釘,行了個多小時,無收穫離開。

行完街,黃子恆去附近的露天餐廳醫肚,又叫了杯大啤輕鬆一下,再刨劇本。

 

 

 

黃子恆年多前,因誤食人妻裕美,搞到差點一鋪清袋。
生意當後路
黃子恆入行十七年,幾年前拍《衝上雲霄》飾演飛機師 Nick開始被人留意。無綫點名力捧,更讓他在《味想天開》任第二男主角。本來事業現曙光,可惜去年他與人妻裕美發展婚外情,上位機會被一鋪清袋。「呢件事後, Hugo冇劇開,知道危機出現唔可以坐以待斃,所以佢好快同阿哥夾份開咗間八百呎嘅時裝店,再開咗間細啲嘅飾物店,又喺長沙灣 D2擺檔賣水晶,幾間鋪嘅生意一直都 OK,起碼搵到食。」黃子恆身邊友人說。

尖沙咀總店:去年黃子恆在尖沙咀開時裝店,有不少圈中好友撐場,其中一個是緋聞女友朱晨麗。

長沙灣檔:哥哥是網球教練,為了支持黃子恆,與他一起合作搞生意。

粉嶺分店:去年發生裕美事件後,黃子恆一度被雪無劇拍,當時因擔心生計,所以一下子開了幾間店鋪,另謀出路。
賠一個月租金
原為擔心賠上事業而另謀的出路,近日竟同一時間,面對商場收鋪及租約期滿,被迫結業,「佢間時裝店裝修都使咗幾十萬,加埋啲貨,商場提早收鋪只係賠番一個月租, Hugo蝕咗六十萬。當時 D2檔嘢又約滿,咁啱有監製搵番 Hugo拍劇,一開劇佢會忙到冇時間設計同睇鋪,所以 Hugo索性一次過執晒啲鋪,寧願之後有時間先再做過。」有知情者說。

在無綫捱了多年,黃子恆幾年前拍《衝上雲霄》演機師 Nick開始被留意。

無綫鬧小生荒,黃子恆因而被點名力捧,更讓他在《味想天開》任第二男主角。
人氣急升
塞翁失馬,焉知非福,雖然服裝店及飾物店結業收場,但黃子恆有份演的台慶劇《降魔的》,大受網民欣賞,除了扮的士司機的馬國明得到激讚,他演的紅眼惡魔亦令網民 like爆,紛紛在討論區留言。據知,他拍完手頭上的《是咁的,法官閣下》後,十二月中將會開拍年輕版《包青天》,睇嚟無綫再俾機會佢。

台慶劇《降魔的》不只贏了口碑,就連劇內的角色也得到網民支持,黃子恆飾演的紅眼魔鬼,亦被讚做得夠奸。
撰文:娛樂組
攝影:李溢敏

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()