next2.jpg

上月廿八日, Baby帶住十個月大的「小海綿」返港,萬眾期待的「小海綿」終於曝光!

娛頭

獨家真面目: Angelababy抱巨 B返港,小海綿似足黃曉明未紅時

贊助商連結

黃曉明剛剛度過了四十歲生日,在他生日的凌晨,老婆 Angelababy就上載了一張合照祝賀老公,但係這種大日子依然唔見囝囝「小海綿」的踪影!眨吓眼「小海綿」已經十個月大,不過他的真面目一直保持神秘,愈神秘一班網民愈想見,終於在上月廿六日,本刊獨家捕獲 Baby帶住重磅「小海綿」返港,萬眾期待的「小海綿」真面目終於曝光!肥嘟嘟的「小海綿」,頭髮濃密,皮膚白雪雪,個鷹鼻仔同一對內雙眼皮仲似足爸爸剛出道時的樣子,好得意!  

 


10個月大內雙眼皮

肥嘟嘟的「小海綿」,一啲都唔似媽咪,但一對內雙眼皮同鷹鼻就似足老豆後生嗰陣,好得意!

初出道

贊助商連結

保母想幫「小海綿」戴番帽仔,點知「小海綿」扭計爆喊。

湊「小海綿」返港, Baby做足準備,一共四大喼加兩個行李袋。

抱住重量級嘅「小海綿」, Baby冇手軟之餘,仲行得勁快,果然訓練有素。

Baby攬到阿仔實一實,急急腳行去停車場上車。

今年一月, Baby在港誕下「小海綿」,黃曉明全程陪伴, Baby產後更極速修身。
為下一代驗面
眾所周知, Baby出道以來一直飽受「整容」傳聞困擾,為了還自己一個清白,前年 Baby曾到北京整形醫院進行「驗面」,以證實自己五官純天然絕無添加。不過網民依然是咬住唔放,更對「小海綿」的廬山真面目非常好奇, Baby同黃曉明為保護囝囝,一直都非常小心,就算今年四月, Baby在《奔跑吧兄弟》讓「小海綿」破例出鏡,但最多都係露過少少側面,未能夠睇到 Baby個 baby全相。「曉明之前都講過喇, Baby去驗面主要原因係怕影響下一代,唔想小朋友因為呢啲傳聞受到委屈,俾人評頭品足。」 Baby身邊人透露。
渾身是肉
嫁夫隨夫,婚後長居北京的 Baby,最近經常帶住「小海綿」四圍飛,上月尾本刊捕獲 Baby湊住「小海綿」返港。當日 Baby一身 causal wear,戴住 cap帽、囗罩,紥馬尾,黑衫黑褲黑鞋,勁低調兼遮晒樣,盡量無咁易俾人認出,她身邊仲有一名保母幫手湊 B。落機時, Baby堅持親手抱住阿仔,十個月大的「小海綿」睇落分量十足,手仔腳仔肥嘟嘟,塊面又圓碌碌,渾身是肉勁可愛,難怪 Baby前排接受訪問時都講笑話:「他的面已是正方形了。」不過一向骨杉杉的 Baby抱住重量級 BB,完全冇手軟,果然訓練有素!當日「小海綿」戴住蜜蜂圖案口水肩,食住奶嘴,全程眼仔碌碌四圍望,仲成日笑,人仔細細,頭髮同眉毛都勁濃密,遺傳了爸爸的鷹鼻,仲有一對佛耳,好有福氣。最得意梗係一對內雙眼皮,似足黃曉明剛剛出道時樣子,好有父子相,絕對唔似網民惡搞造成的合成照模樣。

Baby為《奔跑吧!》拍短片,「小海綿」初次亮相,不過淨係得個大側面啫!

贊助商連結

 

最近 Baby經常帶住「小海綿」周圍去,雖然次次都有人傍住,但都係 Baby親手抱 B。

憑着綜藝節目《奔跑吧!》, Baby在內地火速走紅,賺到盆滿鉢滿,躍升小富婆。

上月 Baby同黃曉明結婚兩周年,黃曉明送上蛋糕之餘,仲喺微博 po囝囝肥手。

15年, Baby同黃曉明豪花半億在上海舉行世紀婚禮,事後被網民批評炫富。
帽仔遮面
單拖湊 B, Baby做足準備,一共拖了四個大喼、兩個行李袋,仲要勞動機場工作人員幫手送行李上車,一出閘 Baby吩咐保母幫「小海綿」準備帽仔,自己一手抱 B,一手用帽仔遮住阿仔塊面,慎防乖仔曝光,見閘口人多, Baby加快腳步行去停車場,見司機未到, Baby惟有折返,盡量避開人群。等車期間,「小海綿」一直俾媽咪用手遮住塊面,他開始唔耐煩四圍擰, Baby見有陌生人行過,再用力㩒住阿仔個頭,點知阿仔反抗,之後保母又想幫「小海綿」戴番帽仔,「小海綿」繼續掙扎,仲扭計爆喊。角力完一輪,司機終於嚟到, Baby將「小海綿」攬到實一實,箭步衝上車。

Baby同黃曉明都十分喜歡小朋友,兩人更經常夫妻檔去探訪山區學校。

贊助商連結

奶奶催生
一五年黃曉明同 Angelababy在上海豪花半億人仔搞世紀童話式婚禮,當時曉明媽透過傳媒講到明心急抱孫,身為家中獨子的黃曉明,肩負傳宗接代重任,好彩他們兩公婆不負厚望話咁快交到功課。不過距離奶奶想抱半打孫的目標仲有一段距離,睇嚟 Baby要加把勁!「 Baby同曉明媽感情好好,結婚之後一直都一齊住。曉明又出名錫媽咪,所以曉明媽鍾意湊孫, Baby都有晒心理準備,生多幾個都無問題,反正今年先廿八歲,最緊要老人家開心。」 Baby身邊人說。

去年 Baby在北京進行驗面,力證五官無添加,粉碎整容傳聞。

一向侍 Baby如「公主」一樣的黃曉明,在 14年 Baby生日,送上林寶跑車做禮物。

星期一是黃曉明四十歲生日, Baby發微博賀老公,但就唔見囝囝蹤影。

兩對親家關係良好,時不時飯聚。
減產湊 B
近年憑住綜藝節目《奔跑吧》, Baby喺內地火速走紅,賺到盆滿鉢滿,仲密密買「磚頭」。今年初 Baby以媽咪嘅名義用一億二千萬掃入西半山豪宅天匯高層單位,加埋手上兩個貝沙灣單位,年紀輕輕已經坐擁近一億六千萬物業,絕對是小富婆。不過為咗「小海綿」, Baby決定減產,今年只會拍一部戲。「小海綿開始大,有表情有反應, Baby唔捨得成日放低佢去開工,有時一飛就飛幾日,所以而家盡量都帶埋佢去,奶奶間唔中都會跟埋去幫手凑 BB。」

返港翌日, Baby撇甩囝囝,相約經理人到淺水灣 high tea。

今年初, Baby用媽咪名義,豪擲一億二千萬買入西半山天匯豪宅,成功避過辣招稅,慳番 545.3萬。
撰文、攝影:娛樂組

文章標籤
創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()