吳綺莉漏夜掃涼茶降火

贊助商連結

早排,吳綺莉(Elaine)個女卓林公開「出櫃」,仲認戀上年約三十歲、來自加拿大嘅網絡紅人Andi。最近,母女感情再受衝擊,吳綺莉報警聲稱位於跑馬地嘅寓所,閉門失竊約值十七萬蚊嘅財物;而卓林方面,就認咗曾經返過屋企攞嘢,不過,事前已經知會咗媽咪,唔明阿媽點解搞到報警。

阿女叛逆,十七歲就輟學打工,同埋女朋友搬出去住劏房,仲搞單閉門失竊嘅羅生門出嚟。身為阿媽,管又唔係,唔管又唔係,左右做人難,難免為個女嘅問題,成日心都噏埋。

日前,東姑就見到Elaine,夜晚十點幾出沒喺佢跑馬地嘅屋企附近,一個人揸住架車出街,仲踢住拖鞋、戴口罩,去咗附近油站便利店買嘢。望真啲,原來佢買咗兩支涼茶,可能又畀囡囡激到「心火盛」,夜麻麻都出嚟附近急買涼茶降火?東姑(目及)到佢買完,即刻返咗屋企;之不過,呢輪佢都處於心情低落,離遠都見到佢暴瘦見骨,就算隔住口罩,都feel到佢雙眼紅紅腫腫,兼眼神落寞,真係可憐天下父母心喇!

身形暴瘦嘅吳綺莉,個樣仲殘殘哋、落晒形,原來係趕去油站買兩支涼茶。

 

喜歡在社交網紓發感受嘅Elaine,日前又貼文,分享作為一個母親喺女兒嘅成長歷程中,自身應該如何適應。

 

日前,卓林認曾經返過屋企攞嘢,不過,事前已經知會咗媽咪,唔明阿媽點解搞到報警。

 

十七歲嘅卓林早排喺社交網「出櫃」 認同年約三十歲、加拿大籍嘅網紅Andi相愛。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()