廿四孝媽咪 張栢芝溫馨天倫樂

贊助商連結

張栢芝這位單親靚媽,近年事事以兩個寶貝仔Lucas與Quintus行先,月前剛開學,廿四孝媽咪就決定推job留港陪仔,更與家人們一起共享天倫。

日前一個周六晚上,張栢芝就帶同兩子,和弟弟張豪龍一家及其他親友等一行約八人,浩浩蕩蕩地到九龍城歎泰國菜。在「前世情人」Lucas與Quintus陪伴下食晚飯,只見張栢芝全晚心情都十分暢快,不時開懷大笑。今年七歲的細仔又不時向母親撒嬌,與媽咪一杯凍飲兩份飲,全晚黐實媽咪,人見人錫!

離開餐廳時,張栢芝更是「一拖二」,笑到見牙唔見眼,超級幸福地上車返回康樂園溫馨的家。

張栢芝和兩個兒子及家人齊齊歎泰國菜,期間她心情十分高興,更吃到於公眾地方大笑。

 

寶貝仔冧陪食飯

日前某周六晚約七時,出名愛錫家人的靚媽咪張栢芝,就約齊弟弟張豪龍及親友等約八人,去九龍城的黃珍珍泰國菜館開餐。張栢芝當晚刻意戴上黑色cap帽及黑色口罩密冚靚樣,但星三代Lucas(振軒)與Quintus(振南)實在太多人認得,加上張栢芝就坐在玻璃窗旁,對正大街,途人行過都清楚望見。

一家人叫了炸蝦餅、咖喱蟹、蒜蓉包、生蝦、馬拉盞炒菜、小食拼盆等放滿一枱,放鬆心情的她終於拉低口罩,一邊飲青檸梳打、一邊大快朵頤,更與坐對面的弟弟豪龍,笑晒口傾偈,一家人溫馨晚餐。

席間,張栢芝笑到見牙唔見眼,媽咪心情靚靚,十歲大仔Lucas亦食得好開心,不時用手拿來吃,至於七歲的Quintus就一直黐實媽咪,還成日哄埋母親身邊撒嬌,而栢芝似乎很開心囝囝咁親近自己,一手攬住乖仔繼續吃喝。

十歲的Lucas和七歲的Quintus作為「星三代」,知名度可能比不少明星更高,兩兄弟現身九龍城餐廳,又點會冇人認出?

 

Quintus不時「哄」埋媽咪耳邊細細聲講說話,而張栢芝亦一臉笑容地聽,母子十分情深。

 

張栢芝離開餐廳時,轉頭一手撥頭髮,再一轉身就輕輕露出誘人小蠻腰,真係完全不似兩子之母。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()