黃竣鋒追殺劉華同丹爺

贊助商連結

票房大收嘅《追龍》,除咗睇甄子丹演「大毒梟跛豪」,同埋劉德華廿六年後再演「五億探長雷洛」之外,一班老戲骨好似曾江、鄭則士、黃日華、湯鎮業等嘅精湛演技,亦都令觀眾回味無窮。

不過,東姑喺套戲入面仲發現,導演王晶刻意畀機會一個新人,佢就係一二年喺亞洲先生選舉入面攞咗季軍,以及最具領袖風範大獎嘅黃竣鋒。而喺《追龍》入面飾演大反派「公仔強」嘅佢,戲份好搶,最矚目嘅一場,當然就係佢即場殺死老前輩陳惠敏啦!其後,佢不停追殺劉華同丹爺,真係令東姑睇到好肉緊,唔睇呢套戲都唔知,原來佢係咁鬼好打!

查實,黃竣鋒自小就受到李小龍嘅影響,鍾意運動同埋武術。喺十七歲嗰年,佢仲參加咗廣東省第七屆拳擊錦標賽,更加攞埋六十七公斤級別嘅冠軍添。喺九七年,佢入伍參軍,於中國人民解放軍北海艦隊航空兵司令部受訓,仲鍛煉出一身橫練嘅肌肉。唔講唔知,原來佢咁猛料,唔怪得佢喺套戲可以拳拳到肉,大晒真功夫喇!

有一副好身形,當然唔會吝嗇,黃竣鋒經常喺社交網騷肌。

 

喺《追龍》中飾演「公仔強」嘅黃竣鋒,同丹爺拳拳到肉,認真搶眼。

 

電影中,黃竣鋒即場殺死老前輩陳惠敏後,跟住再追殺劉華,令人睇得好肉緊。

 

離開亞視之後,黃竣鋒發展唔錯,經常喺電影客串之餘,仲有接拍奇妙電視台嘅劇集。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()