甩拖即有劇冇女,惟有專心工作!(設計對白)

探熱針

38歲崔建邦中佬喪操

贊助商連結

崔建邦( Amigo)與林珊珊細女李怡「野人」拍拖近兩年,上星期宣布分手,再見亦是朋友。甩拖冇女, Amigo的起心肝搵錢。入行 18年,近日他終被安排入劇組劇做演員,在新劇《兄弟》中飾演拳手,隨時要剝衫騷肌,唔想比下去的他,把握時間地獄式訓練喪谷,踩過界做演員唔衰得。

 


與側田遊泰國
上星期, Amigo與女友「野人」分別在 Ig宣布分手。據知兩個多月前甩拖的 Amigo,即孖老友側田及圈外男友人,於上月到泰國旅行,散心兼叉電。「 Amigo同野人拍咗拖年幾,不過兩個磨合唔到,最後都係要分開,好彩仲可以做番朋友。趁佢未開劇,阿田又未開騷,大家約埋一齊去泰國叉吓電,玩咗幾日。 Amigo話自己都三十八歲喇,嚟緊會正式搞間小型嘅製作公司,趁單身專注做嘢。」有知情者說。

06/11操完肌後, Amigo與教練由銅鑼灣跑上司徒拔道,再跑落跑馬地馬場,真係少啲意志都搞唔掂。


06/11本刊發現 Amigo在登龍街跟教練上堂操肌,年屆 38歲,拉上拉落對他來說有點吃力。

又拉又舉又跑步
本週一(六日),在銅鑼灣見到 Amigo,急步行去登龍街 V Point的一樓 Eliment Fitlax,原來約了健身教練上堂。在教練協助下,又拉又舉個多小時,見他的表情,似乎操得幾吃力。操完儀器, Amigo與教練轉戰室外,落街跑步。以為他在銅鑼灣附近跑幾個圈收工,點知由銅鑼灣跑上司徒拔道,再跑落跑馬地馬場跑圈,搏晒老命。

去年, Amigo花了半年以上的時間操 fit自己,參加職業拳賽,最後雖然輸了,但卻賺到經驗及行內的肯定。

 

Amigo與林珊珊女兒林怡拍拖近兩年,最近宣布分手,再見亦是朋友。
臨老拍劇
入行十八年, Amigo早年犯過唔少錯,鑊鑊新鮮鑊鑊甘,不過隨着人漸長,又吸取教訓, Amigo變得踏實,加上他身邊有不少貴人扶持,俾機會他重生。

入行 18年,今年首次被安排拍《跳躍生命線》,連 Amigo都笑自己臨老才拍劇。

 

與野人分手後, Amigo與側田及兩位圈外男友人同遊泰國,叉電兼散心。
杜之克睇佢
「其實 Amigo一世人都幾有運,至少佢喺呢行有唔少貴人幫佢,衰過咁多嘢,仲可以喺 TVB生存,依家連杜之克都好睇佢,俾機會佢轉型拍劇,撈多一瓣,提升價值。」 Amigo身邊友人說。據知, Amigo自覺臨老轉型做演員,故為十二月開的新劇《兄弟》,幾乎每日都喪操。「入行咁耐都係靠把口搵食,連 Amigo都笑自己臨老先嚟拍劇,啱啱先同馬德鐘拍完《跳躍生命線》做救護員,十二月中就演拳手,之前參加過職業拳賽,不過佢冇再 keep,肥番晒!點知公司安排咗呢個角色俾佢,趁一支公依家大把時間,咪想喺短時間內操爆肌肉,始終近排好多男藝員,好似袁偉豪、王浩信都露過,唔想比下去。」有知情者說。

近年愛上入廚的 Amigo,有時間就會下廚煮番兩味給父母試菜,有韓籍血統的他,最拿手是煮泡菜湯。


林國斌是 Amigo的人生導師,一直在他身旁指點,扶他行回正路。

入行以來, Amigo都是靠把口搵食,做慣大騷的司儀。
四大貴人
在娛圈打滾 18年的崔建邦,入行前做過洗頭仔、旅行社領隊,後來在港台做兼職製作助理,不過命中註定有貴人的他,無論起步抑或經歷高低,貴人總會常在他左右。
陳志雲


有指崔建邦在港台任職幕後時,被當時以藝名韋家晴做節目的陳志雲視為寵將,安排他入無綫。陳志雲在 TVB位高權重期間,崔建邦事業亦扶搖直上,由主持捧到做當紅金牌司儀。不過 10年陳志雲惹上官非被停職,有指崔建邦被迫轉投恩師對頭人樂易玲,因而被指是「迷雲黨」叛將,不過近年兩師徒已冰釋前嫌。
曾志偉


視崔建邦為寵將的,還有曾志偉。據知他見崔建邦做主持口才好、轉數快,陳志雲俾機會他上位同時,曾志偉亦點名要他拍住做港姐、台慶等的大騷司儀。
余詠珊


09年崔建邦因接連發生涉毆打女友鄺敏慧,駕駛被罰停牌期間再涉嫌揸「大膽車」,一錯再錯令事業一鋪清袋。 11年他由金牌司儀被貶做劇組 PA(助理編導),由低做起。經過一年「勞改」,遇上回朝掌管綜藝科的余詠珊,對方下特赦令,放生崔建邦重返幕前,成為他第三個貴人。
古天樂


崔建邦做 PA期間,搞過製作公司另謀出路,有指好友古天樂不但介紹人脈給他, 15年崔建邦為一個觀塘商場搞開幕活動,古仔更做剪綵嘉賓。有指崔建邦以一條龍服務收客人五百萬酬勞,而古仔只以友情價現身,呢個貴人擺明塞錢俾兄弟賺。
撰文:娛樂組 攝影:蕭敬漁、李溢敏

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()