甩身一陣,唔使湊仔嘅黃卓玲,同朋友真係吹得好投入㗎!

同你吟一吟

杜琪峯舊愛將湊住仔女黃卓玲攝位 hea

贊助商連結

一見黃卓玲,你就會諗起佢拍過杜琪峯執導嘅代表作電影《十萬火急》、《暗戰》等!無他,因為當年佢係杜 Sir愛將,不過係十幾年前嘅事。

 


今日嘅佢,係幸福少奶奶,兼夾一對仔女嘅全職媽咪。早排佢約咗個好姊妹喺淺水灣 high tea,見佢吹水吹得好 happy,以為放低對仔女出嚟抖一抖。錯嘞!原來對仔女就喺另一邊上緊手工藝班,難得甩身一陣,黃卓玲塊面即刻鬆晒,八珍指嘅係表情,七個字形容晒:「輕輕鬆鬆鄧梓峰。」可想而知, hea對於一個媽咪嚟講,係幾咁難能可貴!

05年下嫁商人余永焯,從此息影做少奶奶。

曾經嗒得杯落嘅佢,同過黃秋生傳緋聞,依家係幸福阿太,專心相夫教子。

95年出道嘅黃卓玲,當年係杜琪峯愛將,代表作有拍住影帝劉青雲嘅《十萬火急》。

坐到夠鐘,就去接一對上完課外活動嘅仔女走。雖然有工人姐姐跟身,不過黃卓玲都係鍾意自己湊。

鬆晒
撰文:八珍
攝影:李玄

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()