探熱針

不滿張建聲爬頭王宗堯走人孖李佳芯男友搞製作

贊助商連結

12年簽約蕭定一旗下 HMV數碼中國集團的王宗堯,拍戲肯露股上陣,加上鮮明的政治立場及出位言論贏得網民支持,一度成為追捧對象。不過針冇兩頭利,黃絲形象同時亦令王宗堯被內地封殺,老闆蕭定一投資的電影,惟有轉軚捧張建聲。
眼見同門兄弟近年爬過自己頭,葡萄的王宗堯決定明年初滿約後走人,與李佳芯男友陳炳銓搞製作,另覓出路。

 

 

 

近年因內地封殺,王宗堯工作量大減,反而發展原本落後於他的同門張建聲,卻愈做愈旺,更憑內地受歡迎嘅網劇《反黑》彈起。
風光一時


黃絲形象鮮明的王宗堯,近年主力拍 ViuTV劇集,因而同陳炳銓 friend咗。

出道十四年的王宗堯,簽約蕭定一後,連拍《一路向西》、《壹獄壹世界:高登闊少踎監日記》、《導火新聞線》等電影男主角,工作量倍增,風光一時。不過隨住出位的政治言論,很快被內地封殺,搞到部分廣告及電影商都卻步。
冷手執個熱煎堆
工作量大減,連公司投資的電影也難讓他參與,同門張建聲因此冷手執個熱煎堆,接拍《真。三國無雙》演「張飛」一角,開拓北水。相反王宗堯在公司作品《 29+1》只過鏡出現。「公司好多大製作都係合拍片,就算唔係合拍,都想喺內地上映,王宗堯冇可能放到入去,咁公司投資得都要益吓自己友,張建聲肯搏,套《反黑》網劇又 hit,佢真係戲接戲。以前一路都係王宗堯好景啲,而家反而俾張建聲爬過頭,佢梗係會唔開心。出年滿約後,雙方都冇諗再續約合作,所以王宗堯決定靠自己,反正佢都有自己嘅製作公司。」知情者續說。

12年電影《一路向西》,當時王宗堯人氣強過張建聲,但事隔四年,對方彈起,成為公司新寵將。

14年撐佔中的他,因出位的政治言論,贏了部分民心,卻令事業受阻。

12年簽俾蕭定一,事業一度扶搖直上,但今日卻是無癮離場。
想做導演
電影「被減產」,近年的王宗堯大部分時間都放在拍攝 ViuTV劇集,早前拍《賤民 20》,跟同劇演員,即李佳芯男友陳炳銓 friend咗。據知,兩個準備拍住搞製作,自己搵出路。「佢哋兩個好啱嘴型,王宗堯本身有製作公司,又一直想做導演,之前佢叫過蕭定一開戲俾佢執導,講咗成年都冇聲氣,而陳炳銓對拍嘢又有研究,所以兩個諗住一齊搞製作,搏吓喎。」

拍《壹獄壹世界》,憑露股成名,露出位

拍《壹獄壹世界》,憑露股成名。

在《一路向西》,唔見股都有肉搏床戲露一露。

拍 ViuTV劇《賤民 20》,露底跑街。


《導火新聞線》劇集同電影版,難得守身如玉。
撰文、攝影:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()