同你吟一吟

拆唔散 王浩信蔡思貝後台黐到實

贊助商連結

上期六晚喺新加坡舉行《星和無綫電視大獎》,視后竟然爆大冷由喺《踩過界》做第二女主角的李佳芯奪得,引嚟唔少網友質疑佢未夠班,事關佢過咗大台只係短短幾年時間,拍咗幾套劇已經拎視后好似有啲太快。

 


至於視帝就係大熱王浩信攞到,雖然佢最近同姣霸蔡思貝嘅緋聞鬧到熱烘烘,都無阻佢攞獎,不過大會就唔想佢哋嘅緋聞成為焦點,所以喺行紅地氈時,刻意將佢哋分開,王浩信就安排同朱千雪一齊,而蔡思貝就同張振朗成為一對。
雖然大會刻意拆散佢哋,但去到後台的時候,王浩信同蔡思貝都係要黐埋一齊,毫無避忌!再睇埋佢哋套衫,兩個都著白色猶如情侶裝襯到絕,唔知係事前夾過,定還是心有靈犀呢?

王浩信今年兩套劇集《不懂撒嬌的女人》同《踩過界》都有好表現,在冇乜對手之下,成為新加坡視帝,嚟緊應該會攞埋香港視帝。

不過喺後台,王浩信同蔡思貝都唔避忌,成日黐埋一齊,仲著到十足情侶裝一樣。

大會刻意拆散王浩信同蔡思貝呢對緋聞男女,王浩信就同朱千雪,蔡思貝就要同張振朗行紅地氈。


爆冷視后
李佳芯由有線過 TVB,正式擔正做女主角劇集一隻手都數得晒。

當宣布「最佳女主角」是李佳芯時,連她自己都以為大會頒錯獎。
撰文:八珍
攝影、攝錄:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()