唔係個個女藝人,都好似 47歲嘅梁小冰咁,可以放低藝人包袱,放假素顏出動湊仔,做番一個普通家長。

同你吟一吟

教仔有方 梁小冰一句 阿仔即停

贊助商連結

見到上世紀港姐梁小冰,你估八珍會諗起咩?就係佢之前喺港視代表作《導火新聞線》嘅「皇阿媽」。戲裡夠辣味,現實中對住十歲囝囝 Louis,唔使「墩」起個款,一樣教仔有方。

 


唔使開工,佢同一般家長無異,素顏湊仔出街。 47歲零人工添加,保養算係咁啦!呢日佢同囝囝約埋其他家長喺又一城開餐,阿仔掛住玩扭計骰,梁小冰一句 order收埋玩具,專心食飯,十歲嘅 Louis即遵命,完全唔使阿媽梁小冰勞氣。囝囝活潑得嚟咁聽教,相信係親子基礎打得好。

一句 order,玩緊扭計骰嘅囝囝即乖乖收起玩具,專心食飯。

同班家長、細路 gathering完,囝囝同埋班朋友仔,乖乖跟在梁小冰後面。


○○年同男藝員陳嘉輝結婚,恩愛至今。

九○年港姐季軍梁小冰(同屆冠軍係袁詠儀),九二年參演第一部古裝劇《血璽金刀》,同鄭伊健係男女主角。

撰文:八珍
攝影、攝錄:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()