周柏豪現身深水埗一大廈天台為新劇《再創世紀》開工。

探熱針

轉會星夢做一哥 周柏豪延遲生 B計劃

贊助商連結

周柏豪今年約滿合作十年的華納唱片後,旋即以八位數字轉投 TVB New Media,簽埋 TVB旗下的星夢娛樂做「一哥」,升呢做「親生仔」騎住鄭俊弘。在現時播出的《使徒行者 2》中,周柏豪憑着「樂少」一角備受注目,成功「打入屋」成為師奶界新寵,最近除咗宣傳《使徒行者 2》,又要忙住為另一套大台重頭網劇《再創世紀》趕工,工作檔期排到密麻麻,被迫令生 B計劃押後!

 


延遲生 B計劃

同圈外女友 Stephanie結婚快踏入一周年,但兩公婆為工作都有共識,將生 B計劃延遲。

去年十一月周柏豪和圈外女友結束十年愛情長跑,在布吉秘娶女友 Stephanie,結婚快踏入一周年,柏豪原本婚後會立即進行造人大計,但剛喺年初轉泊新碼頭星夢娛樂的柏豪,眼見自己事業正起飛,唔想放棄大好機會匿埋湊仔,即同老婆商量推遲造人計劃,放多幾年時間專心工作為事業衝刺同搵銀。見老公拍劇、巡唱、搞品牌忙到無時停,老婆亦體諒配合,決定將生 B計劃押後幾年。
「佢老婆講過好想趁後生生 B,不過柏豪就覺得未係時候,始終而家係搏殺期,簽咗新公司之後大把 project等住佢做,而家仲要劇接劇,檔期已經排到去出年年中, Stephanie無奈都要配合,等老公呢幾年儲吓粉奶錢先再諗!」周柏豪身邊人透露。
搏到盡
加盟 TVB後,周柏豪首次主演無綫長劇《使徒行者 2》今個星期播映大結局,劇集於內地騰訊視頻國粵雙語播放量錄得高達十九億。雖然唔算係男一,但劇中樂少鋒一角依然人氣高漲,令柏豪備受注目,更有份唱埋劇集主題曲《天網》。大台為幫柏豪事業推上高峰,唔想俾佢人氣停低,更加會安排他劇接劇。
早前,周柏豪現身深水埗為劇集《再創世紀》拍外景,在陽光暴曬底下,著住長袖衫的柏豪同對手在天台拍攝一場講數戲,柏豪開工完全唔錫身,連吊威吔的鏡頭都堅持親自上陣唔靠替身,吊完威吔轉個頭又要落街拍追逐戲,一向 chok爆的他為了拍攝效果,連自己形象都唔顧搏晒老命在街上狂奔,跑到頭髮飛起兼青筋盡現, chok王形象全毀。每完成一個 shot柏豪都第一時間睇 playback,稍有唔滿意就要求 NG重拍,非常專業!

吊完威吔,周柏豪轉戰大街拍攝一場追逐戲。

一向 chok爆的柏豪懶理自己髮型狂跑。

柏豪堅持親身上陣完成吊威吔鏡頭。

每完成一個 take,周柏豪都緊張睇 playback。

鄧佩儀有腰傷都跑得搏命,柏豪拍完自己戲份都留低監場。
恨攞獎
周柏豪「空降」星夢,取代原本「一哥」許廷鏗同鄭俊弘之位,事業一帆風順,到目前為止他已經接了四部電影及五場內地巡迴演唱會,加上大台將會以洗腦方式安排柏豪唱劇集主題曲狂谷,唔少網民都話等睇柏豪年尾攞《勁歌金曲》最受歡迎男歌手獎,據知柏豪亦以此為目標。
「柏豪團火好勁㗎!佢話唱歌除咗想攞男歌手,終極目標係想攞埋視帝,所以佢同公司講唔介意辛苦,呢幾年放多啲時間喺拍劇度!」周柏豪身邊人說。

周柏豪在《使徒行者 2》中飾演「樂少」一角,備受注目。

有臥底身份的柏豪在結局中被袁偉豪開槍殺死。

《使徒行者》系列由林峯、佘詩曼換上了黃翠如、周柏豪及袁偉豪擔大旗。

○七年出道的柏豪,早前約埋一班同期藝人朋友飯聚。

柏豪同蔡卓妍主演的電影《原諒他 77次》,票房及口碑都有好成績。

年初周柏豪以八位數字簽約星夢娛樂做「一哥」。

入行十周年的周柏豪,今年 4月再踏紅館開騷。
押後造人
不少藝人婚後都火速造人,但以事業為先的人都多的是,為咗爭取曝光機會,押後造人計劃。


林奕匡
早前在溫哥華與拍拖十年的 Rikko舉行婚禮, Phil坦言需全情投入工作,造人計劃可能要延遲兩三年。


楊千嬅
12年,楊千嬅與丁子高誕下 Torres,如今囝囝已經五歲,一直都想追多個的楊千嬅,去年因被彭浩翔邀拍《春嬌救志明》,與丁子高商量押後造人大計,加上年尾演唱會,要到 2018先有機會再生第二個。


湯盈盈
12年結婚的湯盈盈,先後為錢嘉樂誕下兩女,去年以為《愛•回家之八時入席》是最後一套,但甩唔到演員戲癮,年初再接拍處境劇《愛•回家之開心速遞》,令生仔計劃明年先再諗。
撰文、攝影、攝錄:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()