探熱針

信相士搬屋有運行 細細粒月租四萬會景閣

贊助商連結

由王祖藍一手捧起的細細粒(陳嘉佳), 13年以 220磅深水炸彈身形爆出,繼續孭重飛拍《老表 3》,被指去年收收埋埋賺 160萬的她,原來一直篤信風水,早前更照足相士所言,搬入灣仔會景閣豪宅,以四萬元月租四百呎單位,堅信住得豪賺得多。

 


愈賺愈多
細細粒近日忙於為電視劇《老表 3》宣傳,上週六(十月二十一日),難得唔使開早班,她下午兩點多離開會景閣服務式住宅,揸住一三年生產的 Golf房車直駛電視城開工。
「細細粒一直同屋企人一齊住,佢好信風水,風水師傅早幾年已經叫佢搬去會景閣,雖然比市面租金貴好多,不過佢話細細粒搬入去就會賺到錢,仲要愈賺愈多,所以細細粒冇擔心過,仲寧願俾多啲錢,同媽咪住一個細啲嘅單位,就算依家租金升到四萬幾蚊,佢都冇諗住搬走。」身邊人說。
有王祖藍罩住,細細粒近年以大碼開心果闖出一條路,拍劇和電影外,又跟住王祖藍團隊經常返內地做騷,密密賺人仔。

細細粒的坐駕泊在會景閣停車場,她自言停車場月費最貴。

離開停車場,細細粒直駛電視城開工。

最愛去東京旅行的細細粒,在當地浸溫泉兼大吃大喝,好識享受。

 

細細粒跟媽咪住的會景閣是 studio flat,不過四萬多租金,加埋停車場費,起碼要使五萬。
撐王祖藍出盡力
對於聽從風水師傅之言入住會景閣,細細粒表示確實愈住愈順利,雖然被媽咪投訴買餸唔方便,不過她計過數:「我搬咗去有三年幾四年,當時都係兩萬幾租金,慳咗水、電、煤,仲有廿四小時冷氣唔使錢,我咁怕熱,我計條數,呢度係抵嘅,淨係俾停車場費貴啲。」
近年有機會返內地工作,她大讚老闆夠晒出力:「我同祖藍聯絡好密切,我會同佢講自己嘅要求,好似拍電影又或者綜藝節目,佢都會盡量安排,我同佢提過想拍大陸電影,佢就搵咗套網大俾我,個角色一啲都唔差,幾乎係女主角,月尾就會開機拍。」
至於早前有報導有藝人不滿而陸續離去,細細粒就撐老闆:「老闆比較忙,我相信大家只係溝通上出現問題啫。」

在《老表 3》中,跟他做同學的欣宜都有番咁上下分量,在劇中有唔少對手戲。

細細粒在《老表 3》暗戀 BabyJohn,出盡辦法都係零機會。

同王祖藍主持的內地綜藝節目《今夜百樂門》,細細粒在第一集已經有份演出扮俏護士。

王祖藍一直罩住細細粒,他在大台孭重飛的劇集,細細粒都佔戲好重。

明年內地賀歲片《捉妖記 2》,細細粒扮豬妖同梁朝偉做對手戲。


去日本,除吃喝外,細細粒更會周圍玩,真正活在當下。

細細粒跟媽咪感情要好,媽咪生日,搵埋朋友與她慶祝。
活在當下


開心果細細粒表面開心無憂無慮,但數年前,由上海返港的機程,因遇上氣流,由短短兩小時變為十二小時,她在機上寫了兩封遺書,因此覺悟到要活在當下。身為家中獨女,她一直負擔父母的情緒:「我冇兄弟姊妹,所有親戚喺上海,一直要一個人分擔屋企嘅事,好似父母嘅情緒問題。因為咁樣,我同自己講,要處理好自己嘅情緒,先有能力安撫屋企人。假設每個人都有 70歲以上壽命,即每分每秒都要咁過,又點可以俾自己唔開心,不如諗點樣解決自己嘅唔開心,將唔開心化為開心。」
撰文、攝影、攝錄:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()