探熱針

曹星如上身 肥媽為幫黑妹 姣婆守唔到寡

贊助商連結

63歲肥媽同 56歲的黑妹(李麗霞),最近追上潮流,學曹星如打拳練氣,為十一月舉行的「笑唱會」做準備,講到明叫笑唱會,所以佢哋唔只唱仲會講埋棟篤笑,這對金蘭姊妹已經開始積極籌備兼度橋,雖然個騷未有得睇,但睇見肥媽同黑妹練拳時,互寸對方都已經夠好笑。

 


約打泰拳
肥媽首經典歌《嘥氣》唱到街知巷聞,本身已經氣量十足的她,在演唱會前夕都特別加操,早前佢就約埋黑妹去打泰拳,在教練 Winkie的指導下打沙包,肥媽黑妹渾身是勁,兩人拳來拳往動感十足,初次接觸泰拳的肥媽打得有板有眼,其間更興奮地叫工作人員拍下打拳片段,要立即分享給老公看,認真搞笑!

肥媽同黑妹一戴上拳套即幹勁十足地互揪切磋。

有泰拳教練牌的 Winkie細心地指導肥媽同黑妹出拳。

二人打沙包時幹勁十足。
為黑妹破例

下個月二人將在伊館舉行兩場棟篤笑加演唱會的「玩嘢」騷。

去年已經在紅館舉行了退休告別演唱會的肥媽,今年在好姊妹黑妹游說下,決定出山和對方合作搞演唱會加棟篤笑的「玩嘢」騷,咪以為邊個都叫得郁肥媽,肥媽坦言只有黑妹才有這個特權。
「真係淨係佢(黑妹)叫我先會做!唱歌演唱會登台乜嘢都做過晒,真係唯一係棟篤笑冇做過,咁所以就有呢個棟篤笑加演唱會嘅構思,但係如果我哋呢兩個老嘢唔唱歌,淨係行出嚟做棟篤笑,我相信我哋會俾人打囉!」肥媽笑言。
二人相識,可以追溯到三、四十年前,同樣係義氣仔女的肥媽和黑妹亦坦然從不會互相計算。
「其實不嬲都識,以前唱歌邊個唱得好都會欣賞對方,但係都只係會點吓頭唔會講嘢,咁有一日佢打俾我話我係黑妹,有嘢想搵你幫手,呢個就係嗰個價錢啦,我係得呢個錢。我諗都冇諗就應承,因為佢夠坦白,之後我搵佢,佢都係即刻應承,直到而家呢二十幾年都係咁。」肥媽透露。
唔怪得知,明明已經開了退休演唱會的肥媽,寧願冒住會俾人鬧「姣婆守唔到寡」,一年唔夠就復出的危機,都肯同黑妹開今次「笑唱會」。

肥媽同老公愛得恩愛,經常孖住外遊過半退休生活。

肥媽同契仔陸浩明( 6號)孖住做的《食平 D》系列,已經製作到第六輯。

去年肥媽在紅館開完演唱會話會退休,點知在黑妹游說下今年再出山。
撰文:娛樂組
攝影:何子洋、蕭敬漁
教練: Ms.Winkie Lai黎美言@美言拳擊舞蹈運動訓練計劃 
Studio: Elite Fitness& Beauty

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()