馮盈盈唔似一般港姐,講粗口之餘,又會公開講性話題,對男友仲咁主動,一時興起就當街啜。

探熱針

大台性女 馮盈盈當街吸啜男友面珠登

 

贊助商連結

盈盈 16年參選港姐,以大熱姿態攞冠軍,參選時就已經高調講到明自己有個 10優醫生男友,不時係 Ig晒情侶相。呢排喺《後生仔傾吓偈》成日語出驚人,講埋啲性話題,作風大膽。而現實生活中都係咁開放,戀愛大過天,日日同男友 Martin糖黐豆,又成日係街頭公然調情,顛覆港姐高貴淑女形象。


獨自食雪糕
選完港姐後,馮盈盈做主持,又有得拍劇。呢日趁住唔使開工,佢最初一個人行 ifc,企喺間雪糕店前面不停踱步,又係咁望住隔籬小朋友杯雪糕,最後佢都係忍唔到口,上前買咗杯雪糕俾自己,仲食到一臉滿足咁款,睇嚟做港姐平時忍口都忍得好辛苦。

喺雪糕店前踱步諗咗好耐。

最終都忍唔住買咗杯雪糕,食到一臉滿足。
十指緊扣
食住雪糕一路行,過咗陣,男友 Martin就登場啦。兩個人企喺水牌前係咁撳,研究食乜嘢,揀好咗就出發。兩個人十指緊扣,拖到實一實,上扶手電梯時馮盈盈勁冧咁望住 Martin,愛意滿瀉。最後入咗間日式餐廳撐枱腳。

唔係十指緊扣,就係繑實手臂,真係糖黐豆。

 

對住 Martin,馮盈盈成日忍唔住甜笑。
甜錫面珠登

男友 Martin撒嬌,馮盈盈即刻雙手搓佢塊面呵番。

熱戀期情侶日日見都唔會厭,過咗幾日佢哋去咗又一城拍拖,今次馮盈盈紮咗條孖辮仔,扮吓可愛。兩個人十指緊扣,毫無避忌咁大晒恩愛。行行吓撞到朋友,佢哋就企喺度吹咗陣水,傾完就繼續拍拖。《壹》仔發現佢哋每逢搭親扶手電梯都會有親熱動作,完全唔會浪費時間,而且放閃指數係幾級咁上升,最初佢哋兩個互望甜笑,跟住馮盈盈主動出擊攬住 Martin,用佢個墨魚嘴用力吸啜咗男友面珠登一啖,好 sweet。錫完面珠登 Martin仲攬住盈盈條腰擰頭撒嬌,馮盈盈即刻甜笑搓佢塊面,真係驚人唔知佢哋拍拖咁款。

在《後生仔傾吓偈》節目中,馮盈盈經常有意無意將話題扯到去性方面,大膽談論相當出位。

撰文:鍾慧嘉
攝影、攝錄:陳亦龍、李溢敏、楊紫、李玄

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()