探熱針

愛上內地真人騷 單身何猷君轉型做幕前

贊助商連結

賭王何鴻燊與四太梁安琪的兒子何猷君,跟女子組合少女標本成員袁紫僑( CoCo)拍拖不足一年,最近宣布分手。變回單身貴族,猷君專注創業,不靠父蔭。據悉,他除主力研發新 app,同時會繼續接內地真人騷,做埋幕前,繼二房家姐何超儀,成為另一個名人之星。

 


表演慾好犀利
今年五月,猷君接受湖南衞視邀請,成為綜藝節目《天天向上》其中一集的嘉賓,將正能量帶給青年人,分享他勤奮向上的過去。「 Mario自從上咗呢個內地真人騷後,就鍾意咗呢類型嘅節目,佢覺得冇壓力又好玩,而家都揀緊其他適合嘅內地真人騷再玩,佢想試吓做幕前,反正表演慾強,生得靚仔兼唱得彈得。」有知情者說。


今年五月,猷君受湖南衞視邀請,為《天天向上》做嘉賓。

鍾意自彈自唱的猷君,曾在 Ig留言,問林建岳旗下的寰亞唱片幾時會簽他為歌手,恨做幕前恨出口。

猷君早前特別飛到新加坡,睇內地當紅歌手鄭湫泓(中間白色裙)錄影節目。

二十二歲便完成 MIT金融碩士課程的猷君,是該校最年輕的畢業生。
不想靠父蔭
猷君十八歲入讀美國麻省理工大學,以三年時間完成四年學士學位課程,二十二歲完成美國麻省理工學院( MIT)金融碩士課程。畢業後,不想靠父蔭的猷君與朋友合作創業,創立一個能夠預訂香港夜場的手機 app「 VVIP」,並看準內地的未來發展,選擇上海做創業基地。數口精的他,上內地真人騷賺人氣,為幫手機 app創業作鋪橋搭路。「 Mario合作嗰班 partner都係有錢仔,一樣係叻人,佢讀緊 MIT嘅時候,美國最大型嗰啲金融公司已經俾咗 offer佢,不過佢都係冇揀到,寧願創業,研發 app。」知情者說。

 

去年,猷君與朋友合作推出新 app「 VVIP」,除媽咪四太及哥哥猷亨撐場、三房的超蓮亦有出席發布會。
前度 CoCo:比你幸運點
猷君沒有透露與 CoCo分手原因,但二人再見亦是朋友,九月底猷君在 ig上載自彈自唱《小幸運》,並打上「你幸運嗎?」,剛分手的 CoCo隨即留下「比你幸運點。」,「 Mario講過,佢彈琴係唔開心先會彈,佢同 CoCo拍拖後都冇彈過琴,突然話分手,睇落好似冇咩咁,其實佢都唔開心。」猷君身邊友人說。

猷君與有米 CoCo拍拖不足一年,最近宣布分手,他於九月曾在 Ig上載自彈自唱《小幸運》, CoCo留言搭訕。

熱戀中的猷君與 CoCo,多次被拍下拍拖照,二人亦曾視對方為終身伴侶,可惜此情近日已劃上句號。

撰文:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()