新劇新緋聞
王浩信陳偉琪互稱:唔識對方

贊助商連結


■王浩信指太太為家庭付出很多時間,他希望能做到令對方不用擔心。

人夫王浩信的緋聞停不了,繼被傳跟蔡思貝「開房」打邊爐,結果日前要孖老婆陳自瑤(YoYo)合體出活動,夫妻檔頴銀兼闢謠,以為平息婚變風波,怎知又有雜誌指王浩信拍《溏心風暴3》時,疑與小花陳偉琪過從甚密。昨日王浩信和李佳芯到旺角出席手袋品牌活動,又要為緋聞解畫。


■陳自瑤昨凌晨在互聯網貼新相,王浩信立即讚好。


■陳偉琪稱與王浩信從未合作過,直覺自己好無辜。資料圖片

陪女兒面試

由於品牌即場送上刻有YoYo名字的手袋給王浩信,問到是否打算送老婆負荊請罪?他承認少時間陪老婆,但老婆卻不太喜歡手袋,他說:「以前都有送手袋畀佢,不過佢覺得唔啱心水,佢鍾意實際,財政上、經濟上多啲support佢就OK。事實老婆喺家庭上付出好多時間,自己都希望能夠做到佢乜都唔使擔心,就係我最大任務,佢只係專注喺屋企,付出時間就OK。」問到YoYo是否慳家型老婆?他笑說:「佢稱自己係智慧女神!」
至於跟陳偉琪的緋聞,王浩信即認真澄清:「我唔識呢個女仔,唔好傷害人,我同佢喺《溏心3》係唔同線,冇同場合作機會,不過傳媒寫,如果吸引到觀眾睇套劇都OK,不過真係唔好傷害人,今年特別多桃花,希望轉化做fans力量。」為了撇清婚姻亮紅燈傳聞,王浩信不但事先張揚會陪女兒去小一面試,昨凌晨YoYo在社交網貼自拍照,王浩信更即時給like以示關注。


■李佳芯昨日穿上透視長裙出席活動,大晒一雙美腿。


■王浩信昨日收到品牌送上刻有太太名字的手袋。

私下零接觸

疑似小三的陳偉琪接受傳媒訪問,也跟王浩信劃清界線:「其實我完全唔識王浩信,大家都冇合作過,私底下完全係零接觸,最多係喺公司走廊撞到點吓頭,我睇完單新聞之後,直頭覺得自己躺着也中槍,真係好無辜,我唔會做第三者,咁樣係好傷害人哋屋企!」
採訪:張俊銘
攝影:陳俊強

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()