吳千語唔恨嫁林峯

贊助商連結

吳千語(千語BB)同林峯拍拖五年,感情日趨穩定,佢都開口認定林峯係結婚對象,近排仲搬埋入男友喺薄扶林道嘉林閣嘅八千萬豪宅,共建愛巢。咁鬼sweet,難怪東姑頻頻收到風,繼今年七月,傳出佢哋去咗法國,喺雙方家長見證下訂婚;之後,又有傳林父、「廈門李嘉誠」林華國想喺山頂搵間成七千呎嘅獨立屋,仲要有埋私人泳池及室內電梯,方便第時同啲孫仔及新抱一齊住喎。

不過,現年二十三歲嘅千語BB,就話暫時未有結婚計劃,「結婚都需要時間⋯⋯o依家事業先啦!同埋,好多人都遲婚,三十歲唔算遲。」唔恨嫁嘅佢,原來就快要起程去內地拍劇,此行一去就幾個月,為怕內地冇啖好食,故趁離港前, 佢就周圍去食定好嘢。

日前,佢就撇甩咗男友林峯,同一男兩女嘅友人去咗筲箕灣東大街覓食, 原本諗住幫襯唔少明星熱捧嘅魚蛋粉麵店。 可惜,嗰日係該店嘅例休日,千語BB冇魚蛋粉食,反而食咗閉門羹。佢同東姑講︰「今日間店休息冇開,我食咗隔籬嗰間。」一臉失望嘅佢,快手快腳食完,就坐友人嘅車離開,唔知係咪再去搵美食呢?

天氣酷熱,千語BB仲着長袖,又手揸一大嚿紙巾,莫非佢病咗?

 

千語BB好有禮貌,臨走前都有向東姑講再見。

 

拍拖期間,二人最愛外出旅遊, 今年七月更傳出佢哋到法國秘密訂婚,但遭千語BB否認。

 

有傳,林峯嘅老竇、「廈門李嘉誠」林華國曾向相熟嘅香港地產代理搵樓,心水係山頂嘅獨立屋,據講係想買定畀個仔同未來新抱作愛巢。

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()