孖朱晨麗踩鋼線齊失衡 傅嘉莉刮傷前臂嗌救命

贊助商連結

傅嘉莉(Kelly)與拍檔朱晨麗昨日拍攝劇集《特技人》的踩鋼線戲份,不慎滑倒的Kelly前臂撞向鋼線再滑落地面,刮出一道血痕,再忍痛拍攝揸槍及三項鐵人戲份,返家後自行塗藥膏時痛到嗌晒救命。

初體驗踩鋼線的Kelly當時戰戰兢兢上場,她說:「着咗對唔合格嘅波鞋,點知今次仲要二人同時打橫行鋼線,雙手要握實對方,好講求合拍度同信任度,第一take嘅時候,我哋都未夾得好好,唔識用力,我先傾向對方,對方未懂得承接我的力度,為怕對手撞向後面嘅鋼索,我下意識縮一縮,情急之下雙雙滑落地面,結果佢夾傷格肋底,我就刮傷手。」

劇組本已安排威吔導師從旁指導,還準備好替身隨時上陣,但意外難以預料。Kelly之後在社交平台再分享感受:「一直知道特技人呢項工作很辛苦和危險,今次親身體驗到佢哋拍出嚟嘅每個鏡頭都是有血有汗。」

傅嘉莉與朱晨麗親身上陣拍攝踩鋼線戲份,誰料二人雙雙失衡。

 

傅嘉莉前臂撞向鋼線再滑落地面,刮出一道血痕。而朱晨麗則夾傷了格肋底。

 

 

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()