陳冠希有公德心

贊助商連結

舊年,陳冠希(Edison)被發現同結過婚嘅內地名模秦舒培拍拖,鬧得滿城風雨。今年三月,秦舒培就幫Edison生咗囡囡Alaia,足見兩人已經感情穩定;而自此之後,Edison仲經常湊女為樂,成日喺社交網上載湊女相,擺出一副慈父樣,同平日火爆鬧記者嘅佢,簡直判若兩人。

最近,東姑喺加拿大機場,就發現Edison剛剛到埗,佢一出機場門口就吐出口中嘅香口膠落手度,跟住立即點煙,因為佢身邊有個黑人保鑣傍實,搞到東姑都唔敢行埋去。上車前,Edison就將手上嘅香口膠,掉落垃圾桶;做咗人爸爸之後,Edison睇嚟脾氣好咗,仲好有公德心添!

一出機場門口,煙癮起嘅Edison,立即吐出口中嘅香口膠落手度,然後火速點煙。

 

好有公德心嘅Edison,將手上嘅香口膠掉落垃圾桶。

 

好多網友見到Edison個慈父樣,都覺得佢變咗好多,係一個好父親、好老公喎。

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()