Tracy現為兩店老闆,她表示會陸續引入更多類型的產品,讓客人有更好的體驗,「雖然𠵱家少咗人買吹氣公仔,但吹氣公仔都推出好多種類,日本動漫風都幾受歡迎,有啲仲有可以換衫。」 
充氣娃娃$310

創業通

女生不怕尷尬 教客人用性商品

贊助商連結

以往提到成人情趣用品的話題,大家可能只會想起震蛋、假陽具及假陰道等產品。
其實情趣用品市場一直都在進步,不少商品創意多到令人驚喜。
80後的 Tracy在 4年前初次接觸情趣用品,並覺得有潛在商機,便與男友開設了 18DSC成人情趣用品商店,主打中高檔路線,設有網店服務及實體鋪,賣日本及歐美的產品為主,吸引更多年輕人來光顧,並接受情趣用品的形象。

 


18DSC代理了日本 Men's Max、美國 Wet及英國 Bathmete等知名品牌的產品,而 AV女優彩美旬果是 Men's Max的代言人,當 18DSC的銅鑼灣店開張時,她亦有到場支持。

採訪當日,是記者首次踏足成人情趣用品商店,當踏入 18DSC在銅鑼灣的分店內,感覺甚為新鮮,在琳琅滿目的貨品中,最觸目的一定是放滿了 AV女優及動漫角色名器的貨架, Tracy說:「我哋仲有賣好多款式嘅避孕套,有 0.01mm、朱古力味、溫感及有顏色等;另外,潤滑劑有食用及外用,飛機杯亦有分唔同硬度及外型。」店內還有售賣不同形狀的按摩棒、助情香水及香薰、情趣內衣及《格雷的五十道色戒》官方推出的 SM用具。
原來情趣用品鋪不只賣假陽具、假陰道及吹氣公仔, Tracy表示現已很少人買大家口中叫「 Mary」的那類吹氣公仔,原因是有時客人吹得大漲,便很易爆,「我哋會教佢唔好吹到咁實,要有位可以按落去;另外,好多人會用梘液或清潔劑清洗假陽具及假陰道,但化學物質會令矽膠好易變到黐𣲷𣲷,令件用品壽命唔長,我哋會建議客人用清水配合清潔用具去洗,保養得宜就可以用耐啲。」
看到 Tracy侃侃而談,但初開業時要向客人介紹各產品功能,總難免會尷尬吧?她說:「向客人介紹貨品我唔會覺得尷尬,反而最初冇乜銷售經驗,唔知道客人想買乜嘢產品時,會有啲尷尬。」
客人想買膠
曾有一位客人上來向 Tracy說:『我想買膠!』但當時她真的不知客人想購買甚麼產品,一時間不懂應對。「原來佢係想買名器。我會解釋畀佢知,飛機杯係杯形嘅假陰道,名器就係倒模 AV女優陰道或者動漫角色嘅矽膠製品。久而久之,當客人話想買杯或者想買膠,我就知佢哋要乜嘢產品。」 Tracy表示幸運地未被騷擾過,她會盡量安排男售貨員去接待男客人,女售貨員接待女客人,保障店員之餘,亦令客人感覺舒適,敢於表達自己的需要。
09年, Tracy在浸會大學哲學系畢業,之後從事行政管理工作近 4年,「人工唔高,所以有創業念頭。 13年,有一次同朋友行街見到間成人用品店,其實一直都好奇想去了解,當時先知情趣用品有咁多種類,大開眼界!於是返去再搵資料,發現香港呢類鋪頭唔算太多,大部分嘅裝潢及貨品質素都令人卻步,所以我同男友想開一間走中高檔路線嘅情趣用品商店,應該有商機。」

因宣傳上總有限制,所以 Tracy把握所有讓店鋪曝光的機會,她於 15年時與關懷愛滋病團體合作,邀請彩美旬果出席「與彩美旬果談性 SEX」活動,除了談性話題外,還宣揚預防愛滋病及性病的資訊。

極選愛器彩美旬果名器飛機杯$1,120
由深水埗開始
他們到了深水埗、銅鑼灣、荔枝角及長沙灣地區視察,「最後因為租金較平租咗深水埗一個 60呎嘅鋪位,同時開始網店業務,包埋送貨。做咗 1年,反應比想像中好,我哋再搬去荔枝角約 1,000呎鋪,今年 3月時,喺銅鑼灣開多間約 500呎嘅分店。」
Tracy表示現時最好賣的是各式各樣的避孕套,「日本嘅包裝除咗精美外,仲有好多功能,好似溫感、冰感、特薄、特大都會有。其次就係飛機杯及 AV女優名器,近期麻倉優、沖田杏梨及上原亞衣嘅名器都幾好賣。」 Tracy指都有不好賣的貨品,「有時入貨,名器要一 set女優咁買,夾雜咗一啲比較舊又退役咗嘅 AV女優,例如小澤瑪利亞嘅名器,就冇乜人買。」

Tracy指很多客人會特地來買日本最薄的安全套,銷量暫時最好。
• KMP完全名器麻倉憂 $680

• Le Wand充電式強力震動按摩棒 $1,388

Tracy指飛機杯中最出名的牌子是 Tenga,「呢個仲會識震動,好多男士都好鍾意。」
• Tenga Flip 0( Zero)震動飛機杯 $1,680

•士多啤梨奇異果可食用潤滑油 $188

• JEX魅力蝴蝶朱古力味安全套 $45
Hit動畫產品好賣
為了更緊貼市場走向, Tracy會上網了解最受歡迎的 AV女優及動漫資訊,「之前好興嘅《你的名字》及《 Re:從零開始的異世界生活》都會有廠商推出非官方嘅周邊商品,我哋會採購當期 hit嘅 AV及動漫產品,銷量都會好啲。其實以前自己唔會留意動漫,因為工作先接觸,其實都幾有趣。」
創業少不了宣傳,這令 Tracy頭痛不已,「因為成人用品好多相都要打格, facebook page又會有限制,我哋平時唔可以喺街派傳單,只係靠網站宣傳及朋友嘅介紹,所以我哋會入多啲時興產品,加強到宣傳嘅效果。」

•夢漣娜埃及艷后短睡衣 $378

• Tracy表示這款口形名器因像真度高,所以銷量很好,每日起碼賣出 2至 3個。真實之口 $368
聖誕節是旺季
現時兩鋪合共月賺約 30萬,逢聖誕節和萬聖節等多派對的節日是旺季,旅行季節如新年和暑假便是淡季,客人由 18至 60歲都有,網店及實體店的生意比例為 7:3。 Tracy說:「後生男士會買飛機杯;中年男士會買安全套及情趣香薰;女士普遍都係買唔同形狀嘅按摩棒。」
Tracy表示曾遇過有特別偏好的客人,但必需保持鎮定,「會有男娘嚟買女性內衣,亦試過有鍾意玩 SM嘅客想買電擊產品,但基於安全嘅問題,我哋冇賣電擊嘅嘢。我哋仲遇過有客人買咗 30個動漫枕頭套日日換,初初會驚訝,但見得多就冇事。」

Tracy表示男女店員都會聘請,「通常男店員接待男客人,女店員接待女客人,客人會覺得冇咁尷尬。」 Tracy更會確保店員對每個產品的用法都熟悉,每有新產品便會向店員講解。

18DSC店同時設有網店, Tracy表示:「開網店係體諒到有啲客人唔想面對面上嚟買嘢,我哋包送貨服務,有時仲可以即日送貨。」

• Fifty Shades Darker真皮小型皮鞭 $430
開業成本
裝修:$100,000
入貨:$100,000
租金:$80,000( 2按 1上)
總投資:$280,000
每月收支
營業額:$1,000,000
租 金:約$60,000(兩間鋪)
人 工:約$200,000 (老闆 2人,員工 8位)
入貨及雜費:$400,000
盈 利:$340,000
18DSC
網址: http://www.18dsc.com.hk
地址:九龍荔枝角青山道 489至 491號香港工業中心 B座 3樓 A室 
香港銅鑼灣富明街 1至 5號寶富大樓 2樓 B室
撰文:霍芷晴
攝影:林文樂
部分圖片由被訪者提供

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()