錢國偉跟老婆行花墟,有五個月身孕肚凸凸的陳宛蔚明顯較之前圓潤。

探熱針

陳宛蔚佗女五個月 錢國偉行花墟摸老婆肚

贊助商連結

錢國偉跟陳宛蔚結婚兩年,婚後被投訴顧住開工未度蜜月,不過兩人一直努力造人,早前終於成功,原來老婆佗 B女五個月, Wilson日前載大肚老婆行花墟,全程拖實兼忍唔住開心摸肚,父愛爆棚。

 


如常返工
上週四(十月五日)黃昏,錢國偉開車載大肚老婆陳宛蔚行太子花墟,雖然有五個月身孕,不過陳宛蔚步伐輕盈,着住鬆身大恤衫短褲的她依然靈活,反而即將做人父的 Wilson比較緊張,全程拖到實,其間更一度換位,在後面攬住老婆,邊行邊摸住她的大肚。
據了解,為要成功造人,陳宛蔚婚後一直睇中醫調理身體,戒凍飲以及生冷食物。這兩年在老公公司幫手,幾乎全線退居幕後的她不用日夜顛倒拍劇,佗 B後更是活力十足,繼續如常返工:「 Wilson做監製嗰部網絡電影《王牌霸王花》,啱啱先拍晒,之前 Calinda(陳宛蔚)都有去開會,仲要落手落腳做嘢,一啲都唔似有咗。」知情者說。

錢國偉由後面攬住老婆,邊行邊摸肚。

細心的錢國偉,幾乎全程拖實老婆唔放手。

老婆大肚後,錢國偉特地換了較大的平治四驅車,方便載 B女周圍去。

錢國偉好識氹老婆開心,求婚當日,他跟 Big Four在拉斯維加斯做騷,特登搵埋四人做大龍鳳給老婆驚喜。
第一個通知志偉
老婆大肚五個月, Wilson本有意低調不公開,不過還是忍不住跟一班圈中朋友分享做老豆喜訊,除屋企人外,他第一個通知的是娛圈老豆曾志偉:「志偉爸好開心,佢話我大個仔,(湯)盈盈話要送張 BB櫈俾我,佢已經 WhatsApp咗啲相俾我揀,我就同老婆食咗一餐好開心嘅飯慶祝。」
明年升呢做老豆, Wilson表現輕鬆,為氹老婆開心,他有時間便會煮早餐、煲湯和切公仔生果,經常製造驚喜。
「我一啲都唔緊張,反而老婆開始諗小朋友讀書嘅嘢,好似打仗咁,未出世就話要報定名。」 Wilson說。

錢國偉監製,楊思琦、王寶葆等孭飛的網劇《王牌霸王花》兩個月前開機,大肚老婆也有繼續開會參與。

一直纖瘦的陳宛蔚,未大肚前身形弗爆。

錢國偉年底又要執導,由陳小春、謝天華等「古惑仔」擔正的電影,依然未有時間跟老婆度蜜月。

古惑仔這兩年在內地掀起熱潮,冇停過巡迴做騷,身為監製的錢國偉亦大部分時間在內地開工。

跟王祖藍即將合作電影,他指對方轉數快,又可以學嘢。

曾志偉跟錢國偉合作多年,在公在私關係密切,老婆有喜,他第一時間通知「阿爸」。

二人婚前曾到歐洲影婚紗相,但婚後卻未有時間度蜜月。
撰文:娛樂組
攝影:陳亦龍、李玄、蕭敬漁

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()