廖碧兒透露因為轉學科,間接便踏上選美之路。

繞場壹週

溫哥華紀華 廖碧兒 135磅走去選華姐被睇中

贊助商連結

邊個話 model般嘅身形先可以參加選美㗎?今集《繞場壹週》嘅嘉賓, 01年國際華裔小姐冠軍廖碧兒正正係人辦!
Bernice(廖之洋名)大學時期為咗代表所屬省份參加跆拳道比賽,長期 keep住 135磅,點知 01年被選中要去香港參加選美,一到埗就被傳媒封為大熱門,同時獲得「溫哥華紀香」封號,最後仲俾佢攞埋個冠軍,加入大台做花旦!

 


加拿大選美盛世開始
廖碧兒係 0一年度國際華裔小姐冠軍,有「溫哥華紀香」之稱的廖碧兒開創了溫哥華喺國際華裔小姐嘅盛世,之後有不少冠軍級人馬都是來自溫哥華。
廖碧兒︰「之前都有人參加過華姐,但冇攞冠軍。」
葉 Fun︰「你是第一個冠軍,之後仲有李亞男。」
廖碧兒︰「有好多……(鍾)嘉欣。」
葉 Fun︰「很多,例如岑麗香。」
廖碧兒︰「仲有苟芸慧。」
葉 Fun︰「講番選美,當時有冇諗過參加加拿大選美呢?」
廖碧兒︰「冇呀﹗喺大學嗰陣修讀醫科,我係 130幾磅打 kick boxing那種,代表 BC省比賽,你唔會覺得 135磅嘅身形可以參加選美!」

01年選華姐期間廖碧兒依然是 135磅。

選美達人葉 Fun同廖碧兒同是來自加拿大,鏡頭後兩人互相分享在當地生活的點滴。
電台暑假工速學廣東話
廖碧兒︰「本身讀醫科後來轉科,因為在加拿大、美國讀醫差唔多要十四年先可以喺醫院工作,有親戚話女仔讀太多書冇用,始終要結婚生仔,如果喺加拿大、美國,醫科畢業年紀會比較大,所以之後就轉讀 commerce(商科)。去到 international business(國際企業)時要修另一種語言,其實本身報讀中文,但喺大學八個月先拿到 credit(學分),要入呢一科九月就入學根本攞唔切 credit,其他學生已經識普通話。」
葉 Fun︰「當時你嘅廣東話講得好差?」
廖碧兒︰「冇講,唔識睇,因為冇機會學,冇老師!之後喺電視台做暑期工,佢哋全部講中文,可以融入其中,我去咗做 summer job,就喺咁去咗電台做嘢,咁啱佢哋搵緊人去選美,走嚟問我有冇興趣………」
葉 Fun︰「就報名去参加華裔小姐。」
廖碧兒︰「係,即管報名一試﹗從來冇諗過參加選美,就咁樣改變咗我嘅世界!」
葉 Fun︰「即係你由小到大都冇諗過參加選美,直到嗰一刻提議你報名就即管一試!你嗰陣仲喺 135磅?」

大學期間除了跳舞,還代表所屬省份參加跆拳道比賽。

來港旋即成為大熱門,於廣州拍外景期間獲大會厚待送蛋糕賀生日。

廖碧兒 01年大熱勝出,同屆季軍是 00年港姐冠軍劉慧蘊。
矇查查唔知要去香港

廖碧兒當選後,多屆華姐冠軍都是來自加拿大、包括 05年的李亞男以及 04年的鍾嘉欣。

葉 Fun︰「其實喺溫哥華選華埠小姐時有冇諗過自己會贏?」
廖碧兒︰「我唔知道溫哥華之後要再選,以為已經完成。點知被通知要再參選。我問點解要再選?你阻止我讀書﹗因為我要嚟香港二十一日,仲要喺聖誕之後。一月我已經開學,最大問題係我點讀書、點樣上堂?但係對方話冇辦法,贏咗第一名就一定要去。我即刻去大學問解決方法,怎樣追番嗰科,大學幫我暫緩處理,延遲一個學期,我先去香港報到。如果一早知道,我應該唔會參加,因為我最擔心影響學業。」
撰文:娛樂組
攝影、攝錄:葉志明、蕭敬漁

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()