黑色七人車以前是細仔栢文揸開,現在栢芝媽用來自用及做 Uber,一舉兩得。

探熱針

拍三級片母女反面 栢芝媽揸 Uber搵食

贊助商連結

張栢芝跟謝霆鋒離婚五年,間中拍戲上真人騷,加上前夫給她每月六位數贍養費,三母子依然生活富足,不過就再無財力供給屋企人揮霍。去年栢芝媽瞞住女兒處女下海拍三級鬼片,有指母女因而反目,冇大水喉射住,早前在九龍城打工賣麵包的栢芝媽,最近又轉揸 Uber做司機搵食。

 


首映禮冇出現
現年五十六歲的栢芝媽戴莎莉 Shally,去年接拍潘紹聰執導的三級鬼片《魕異》孭正做女一,首映禮當日,出名錫屋企人的栢芝卻意外未有現身,只有大女碧芝、豪龍同栢文撐場。栢芝媽事後解釋女兒要湊仔唔得閒,不過有指栢芝因不滿阿媽瞞着她拍三級片,母女反目。
沒有張栢芝這條大水喉射住,一直生活無憂的栢芝媽亦不得不返工搵錢,今年五月,她被拍到在九龍城一間麵包店打工,由於只有她一人看店,大煙癮的她,不時趁空閒偷雞走出店外煲煙。不過七月開始,她又轉工,用栢文一四年以二十多萬購入的二手七人車,做司機揸 Uber。

做了 Uber三個月的栢芝媽,已接了近五百個 order。
麵包店打工
「 Shally之前開過酒吧同餐廳,每次都係栢芝俾錢投資,不過都係做唔長,舊年佢俾人影到喺九龍城麵包店看鋪,啲人以為佢係老闆,其實佢喺嗰度返工,間麵包店七月停業,佢轉做司機揸 Uber,做咗三個月,啲客俾佢嘅評分都唔錯,有四點七幾分,五分喺滿分,佢都算高分。 Shally脾氣不嬲都幾好,對住啲客更加唔會冇禮貌。」知情者說。

1/10
國慶日,栢芝媽與男友及女友人到九龍城醫肚,其間,揸住車的她拿出國旗,很愛國。

 

2/10
晚上七時,栢芝媽著得靚靚出街,見到記者左右迴避,否認揸 Uber是想減輕屋企負擔,問她可否維持到生活,她說:「得,咩唔得呀!」並說現在生活得很開心。

一向很愛家人的栢芝,以往一有時間會搵媽咪及弟弟相聚,但此情不再。

去年,栢芝媽接拍鬼王潘紹聰執導的三級鬼片《魕異》,有傳因而激嬲栢芝,導致母女反目。
接送男友
上週五(九月二十九日),栢芝媽孖住男友由跑馬地雲地利道寓所離開,先揸車過海到太子一間酒樓醫肚,然後做司機送男友到旺角,接着再去九龍城。翌日,栢芝媽十二點左右外出,全程龜速慢駛,在跑馬地不斷兜圈。
國慶日,她揸車跟女友到何文田接男朋友,三人行在九龍城食晏,之後再折返何文田放低男友,再駛去深水埗睇玩具買國旗,玩到黃昏六點幾,栢芝媽才捨得離開,上車後,她邊揸車邊搖國旗,直駛跑馬地屋企,似乎有意放假一天。
○八年,栢芝跟謝霆鋒未離婚,做全職媽咪的她收入大減,亦一度對需索無窮的家人經濟封鎖,當時栢芝媽在跟男友馮國志夾份投資的西環餐廳幫手做侍應。相隔九年,工作量不多的栢芝主力照顧兩個兒子,栢芝媽又要自力更生出外打工,不過觀乎她每日下午一點才出動,比起一般打工仔,做 Uber司機唔算辛苦。

近兩年幾乎全職湊仔的張栢芝,仍然會抽時間約朋友出海滑水玩衝浪,好有活力。

早前被拍到素顏送 Lucas同 Quintus返學,網民大讚栢芝點睇都咁靚。

張栢芝近日愛同粉絲玩視像,又會將同身在北京開鋪的栢文的視像對話放上網,姊弟感情十分要好。

栢芝跟在香港生活的豪龍不時有家庭聚會,早前豪龍被拍到幫家姐整褲腳,對栢芝非常照顧。

多戀事
現年 56歲的栢芝媽( Davies Shally)是中英混血兒,輪廓突出,曾經有過 3段婚姻,就算情路難行,對她亦冇影響,身邊從來不缺男友,男人緣極佳。

姚姓前夫
大女戴碧芝父親,選擇跟媽咪姓戴。


張仁勇
與姚姓前夫離婚後,栢芝媽改嫁江湖人士張仁勇(鬍鬚勇),先後生下栢芝、豪龍及栢文,結婚 10年後離婚。


姚潤安
02年, 41歲的栢芝媽與 39歲任職交易經理的男友姚潤安結婚,幾年後低調離婚。


馮國志
11年,栢芝媽在西環的菜館打躉,才發現她與姚潤安已離婚,菜館是她與新男友馮國志夾份投資。


現任男友
栢芝媽影到與男友同居跑馬地。
多瓣數
栢芝媽、豪龍及栢文三母子可能因為有栢芝呢個大靠山,多年來撈過不同行業,包括 Uber司機、演員,好多瓣數。
栢芝媽

 

佐敦開酒吧
西環碼頭老闆之一
演員

九龍城烘焙餅店售貨員

Uber司機
張豪龍
一度想做演員的豪龍,其後專注發展滑水事業,攞過多個獎項的他,索性做全職教練,不過 16年又被踢爆轉行揸 Uber。

滑水教練

Uber司機
張栢文
栢文近年事業由香港轉移到北京,邊拍電視劇邊開 coffee shop,更創立自家品牌 PMC出 cap帽、飾物。

夜場 DJ

代理雪條

創立自家品牌,出錶、 cap帽、飾物
撰文:娛樂組
攝影、攝錄:余一駱、李玄、蕭敬漁

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()