提起李亞男當日抽筋入院情況,可想而知祖藍當時幾咁慌張。

探熱針

全身抽筋 呼吸困難 李亞男驚恐症入院 王祖藍心痛:我以為佢會死

贊助商連結

結婚兩年,王祖藍給另一半最好,經常有影皆雙,更把過億豪宅給老婆李亞男獨自持有。只因愛妻號,都經歷過以為失去另一半的時候。
王祖藍忙北上吸金,婚後初期李亞男不時獨守空闈,抑鬱情緒不穩,在家會無端狂喊,更試過兩度入院。其中年初她驚恐症突爆發,抽晒筋兼呼吸困難,祖藍心痛:「以為心臟病發會死,我好驚!」

 


好似隨時窒息
李亞男婚後兩度入院,第一次是腸胃有事,當時祖藍身在內地拍劇集《哪吒》。
「亞男會無啦啦一個人喺屋企喊,入院嗰陣我唔喺佢身邊,佢喊得好勁!」祖藍說。自此,他不再接劇,只返內地做綜藝節目,抽多點時間陪住老婆。
接受輔導的李亞男,情緒慢慢穩定下來,但今年初她被驚恐症突襲。
「佢飲咗少少酒同咖啡,心跳得好嚴重,以為心臟病發,成個人抽筋,呼吸困難。我見到佢都覺得好恐怖,飛車送佢去醫院,覺得佢好似隨時窒息咁!」祖藍憶述。

老婆經歷過一場驚恐症,令祖藍更加重視兩公婆相聚的時間。

唔想離開老婆時間太久,祖藍近年不接拍內地劇。大台劇《老表,畢業喇!》可讓他止痕。

幾忙碌都好,祖藍都會抽時間陪老婆旅行充電,及盡力把晚飯時間留給她。
同醫生 say sorry
情況嚴重,但向來照顧別人多於自己的李亞男,仍努力令大家放鬆。祖藍扮她雙手屈曲抽筋樣說:「醫生問佢點,佢話抽緊筋郁唔到,好似閃電咁,話自己好似《雷神》。醫生話要幫佢抽血,佢話我好想俾你抽,但我停唔到,唔好意思醫生,我唔係有心令你咁難打針,一個病人去到咁嘅情況仲咁好禮貌,呢個就係我老婆。」

完成手頭上工作,祖藍計劃明年同老婆努力造人,亦順勢俾自己抖抖氣,休息之後再搏過。

在溫室長大的李亞男,婚後因父母及老公常不在身邊,令情緒一度陷入不穩。

15年祖藍豪擲過億元買入大埔特色戶愛巢,並只寫老婆李亞男個名,以她為重,全因老婆同樣對他無保留的付出。
在病榻交帶一切
未能止住抽筋,亞男在病榻上仍掛心祖藍冇人照顧。令心痛過後的祖藍,更體會沒什麼比老婆感受更重要。「佢抽抽吓筋話,你聽朝要返工,有冇人叫你起身,打俾助手 set番鬧鐘,你套衫擺咗喺第三格櫃桶""有咩辦法唔愛呢個老婆。」幸好醫生指亞男只係偶發情況,此後亦再冇發生。
在港日子,祖藍幾忙碌都堅持收工回家享受住家飯,重視夫妻的每分每秒。
「依家趁佢返加拿大探親或拍嘢,我就喺公司做通宵,佢一返香港我就早啲收工返屋企食飯,食完飯落樓下打羽毛球。」 A

我同一般經理人公司唔同嘅地方,做得唔好,我會承認,勇敢面對係追求進步嘅態度。

好怕明明唔夾,又要夾硬留住你,而你又埋怨,我寧願早啲分手。
我沒變
由屋邨仔到富貴,王祖藍最深刻體會,是被硬套變質的罪名。「你有咗錢或名,好易俾人話你變咗,呢個罪名好易加在你身上,有時聽到會唔舒服,我又未去到完全唔講道理,但點解唔直接問我,點解咁揣測或咁樣睇我!除咗老婆,家人中阿媽係最明白我嘅一個。」

祖藍曾在另一訪問透露,賺到錢後,反而同家人多咗拗交,不過他跟細佬王亦藍及妹妹一直感情好。
鄧萃雯走人 黎瑞恩唔簽 王祖藍:唔想因為工作冇朋友做
北上撈得掂,有指王祖藍名字等如人民幣。由演員到自組山頭做老闆,去年成立經理人公司「手工藝」,記者會上晒冷旗下人強馬壯的十多位藝人,包括花旦徐子珊、視后鄧萃雯、羅霖、殿堂歌手杜麗莎、黎瑞恩,還有林欣彤等。
但近日盛傳最先動筆簽祖藍的老友鄧萃雯決定走人。早前雯女向外放聲氣,指跟擅長做綜藝的祖藍方向唔夾,會回巢返大台拍劇。同雯女合作一年就拜拜,求證祖藍,他直認不諱:「雯女係決定唔留,佢自己開 workshop,我覺得 OK嘅,和平分手。我唔想因為工作令大家冇朋友做,呢樣我好介意。」除咗雯女,黎瑞恩亦唔再簽,他說亦預計陸續有藝人離場。

再簽朋友有顧慮
不合則分,他強調跟雯女仍是好朋友。「當初佢問有冇興趣合作,依家佢走都好有心,喺 WhatsApp留咗廿分鐘留言安慰我,亦坦承提出我公司一啲問題,係客觀嘅。」
旗下藝人大部分是朋友,有否感到公私難分,影響管理?「係㗎!你簽咗好多朋友做 artist,似請咗好多屋企人開工。最初簽我時,大家都會話冇所謂,冇咩要求,但做咗一段日子,發現唔係咁喎!繼續落去會點,形成壓力,所以我成日鼓勵佢哋要開心見誠攤開講。有人走同時都有人問我簽唔簽佢,吸收經驗,我會比以前更慎重考慮,衡量能唔能夠幫到佢先簽。」

我不等如人民幣
感到吃力不討好?「放咗藝人走,會唔會俾人覺得我唔掂?老實講,我真係做得麻麻哋,我認咪得囉!唔會覺得冇面,我唔介意放人走,因為唔想似以前 TVB嗰種觀念。訪問我講過歡迎藝人隨時解約,大家唔夾寧願早啲完,因為我只想佢更好。
間公司本來諗住簽我同老婆,後來其他朋友叫到,諗住幫得就幫,當初睇輕咗呢個工作(經理人),之後發現我根本照顧唔到咁多,而另一問題係大家諗住嚟公司就開拓到大陸市場,但其實唔係咁簡單,上到去真係刀光劍影。加上受制不明文額制,國內競爭大,要好多個人條件配合,開拓內地市場唔係容易。反而喺內地我簽咗好多人,比較順利。」

祖藍的經理人公司成立一年,祖藍體會管人,比其他工種更複雜。

簽祖藍期間,雯女北上參加內地節目《跨界歌王》,如今分道揚鑣,有指雯女準備返大台拍劇。

復出純粹玩票性質的黎瑞恩,跟雯女一樣離開祖藍公司。

在祖藍鋪路下,杜麗莎入到內地節目《我是歌手》,贏輸不重要,藉此打入內地市場才是重點。

幫林欣彤出碟同時,亦要她形象入屋,安排參與《老表 3》理所當然。
撰文:娛樂組
攝影、攝錄:黃志明、葉志明

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()