同唐文龍隻揪互打, Jeana搏命打到飛起。

探熱針

埋身肉搏  Jeana同唐文龍「打真軍」

贊助商連結

《辣警霸王花 2》正式開拍,除咗何佩瑜、余曉彤及梁琤有得冧莊做「霸王花」,今集仲有被網民熱捧的「大馬女神」林明禎加入警花行列,林明禎睇得又打得,早前劇組為電影拍攝外景場口, Jeana同猛男唐文龍有一場拳拳到肉埋身肉搏, Jeana毫不錫身,堅持「打真軍」,認真搵命博!

 


隻揪互撻
上集《辣警霸王花》,有岑麗香、欣宜、崔碧珈以性感造型擔正,更搵來幾位姐仔客串,包括 Jessica.C、鄧麗欣、楊思琦等,今年《辣警霸王花 2》再開拍,繼續搵來大班靚女飾演「霸王花」,為咗應付多場槍戰打鬥戲,真槍實彈上場,演員們都不敢怠慢,喺開拍前先做足準備功夫,接受教練一連串射擊特訓!
日前劇組現身葵涌碼頭為電影拍攝連場爆破及槍戰場口,為咗製造逼真的槍林彈雨效果,電影公司事先特別安排演員以真槍發射空彈拍攝,可見製作非常認真!當 Jeana同唐文龍埋身隻揪時,身手敏捷嘅 Jeana用腳跨過對方頭頂再「撻生魚」落地繼續打!轉個頭,就再到林明禎出動「鉸剪腳」同錢家班打到攬埋一嚿,曾經在拍攝時不慎傷腳導致腳趾韌帶斷裂的她有腳傷仍面不改容,好專業!

Jeana「撻生魚」撻足十幾次。

林明禎出動「鉸剪腳」,同錢家班埋身肉搏。

有腳傷的林明禎頂硬上。

梁琤在電影中有大量動作鏡頭。


一眾「霸王花」圍埋睇 playback。

上一集《霸王花》有岑麗香、欣宜、崔碧珈性感演出。
預告性感演出

林明禎被網民捧為「大馬女神」。

今次擔正女主角的林明禎為了武打戲份,幾乎每日練習,更練到有腹肌和馬甲線,本身有 33C身材,導演當然唔會俾佢浪費這個騷本錢機會,她更預告會有性感演出!
而另一位女主角 Jeana亦感觸良多,「其實拍呢套戲感觸好大,因為我可以延續霸王花,同成個團隊都好團結,我哋渡過好多難關,我記得開拍第一日就係天鴿颱風,所以好多難關都捱過咗。」
撰文、攝影、攝錄:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()