探熱針

祖兒千嬅唔玩頒獎禮  Gin Lee衞蘭 JW搶獎

贊助商連結

容祖兒在「 IFPI香港唱片銷量大獎 2016」奪 6獎成為大贏家,笑言今年自己是「超額完成」,並預告今年出席頒獎禮純粹支持,並非為攞第一。
楊千嬅、容祖兒相繼唔玩頒獎禮,一眾上位女歌手乘機搶獎,接棒邁向天后之路。當中以環球的李幸倪( Gin Lee)最積極,賣靚聲的衞蘭及王灝兒( JW)亦發盡力,擺明加入戰團。

 


借前輩谷宣傳
祖兒、千嬅終於讓位,後輩自然要發力把握接力時機。環球捧人一向有計,加上唱片公司財力雄厚,今年各大頒獎禮女歌手獎, Gin Lee被睇高一線。今年初,她擺明借歌神、校長上位,推出翻唱張學友的單曲《天變地變情不變》,又與譚詠麟合唱《型人道》。
搶獎有部署,年中 Gin Lee先與側田齊齊舉行拉闊音樂會,加強人氣。拉闊餘勢未盡,環球再下一城,下個月六號為她在會展舉行三千人音樂會,狂谷!
「環球見 Gin Lee新歌《和每天講再見》喺電台攞晒冠軍,食住上再度橋安排佢同蘇永康做一個合唱版,搶盡播放率。唔單止咁,唱片公司為咗令佢上天后級,又揼本喺上環地鋪搞 Gin Lee體驗館,借機宣傳佢張新碟。」知情者說。

今年五月, Gin Lee與側田合作拉闊音樂會,十月又舉行三千人音樂會,谷盡她上天后之位。

為了催谷 Gin Lee,環球唱片除租地鋪為她搞體驗館外,又找來蘇永康與她合唱《和每天講再見》。

衞蘭 JW輪住開個唱
除 Gin Lee外,樂壇黑馬衞蘭轉投華納後,事業重現曙光,八月出新碟《 Love And Other Things》前,衞蘭先玩 gimmick開第一個畫展,之後一月紅館開個唱,而 JW亦唔執輸,趕在明年一月六日在紅館開處女個唱,誓要年底頒獎禮前谷盡人氣。
「公司對 JW好大寄望,佢開得一場,擺明冇錢賺,但都照幫佢搞,都係想幫佢做個勢出嚟。」知情者說。

過檔華納唱片的 Janice,改了曲風仍得到樂迷支持,公司又為她搞畫展,多方面催谷。

去年叱咤頒獎禮上,女歌手分別是金獎容祖兒、銀獎 Gin Lee及銅獎 JW。

男歌手方面,預計是李克勤、側田及陳柏宇的天下。
撰文、攝影、攝錄:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()