next.jpg

娛頭

傳男友偷食有小三 江美儀升胸 依家佢驚過我

贊助商連結

江美儀同吳君如細佬吳君祥拍拖 11年,最近因為分隔兩地,男方主力在北京工作,更有指吳君祥有小三偷食嚴淑明,加上江美儀同吳君祥近一年都再冇一齊現身過,所以外間都以為他們已經玩完。
但早兩星期,吳君祥突然返港,因為江美儀接拍了一個豐胸廣告,當中有性感演出,露出深長事業線,身為男友當然全程𥄫實監場。
雖然江美儀同吳君祥合體打破分手傳聞,但講到同男友的將來,江美儀都打定輸數:「如果佢突然遇到一個好鍾意,我咪祝福佢囉!」

 


貧胸變大胸
之前一直自稱「貧胸」一族的江美儀,事業心雖然強,但事業線就冇乜點俾人睇到,最性感都只不過是在《名媛望族》著黑絲同劉松仁跳舞一幕,但四十六歲的江美儀最近竟然接拍豐胸廣告,由 34A升 cup到 34C,著住運動 bra top拍廣告,露出深不可測事業線,果然有料到。
由於成輯相江美儀都要做出連串扭腰動作,突出澎湃上圍,搞到她腰酸骨痛,所以影影吓相要行埋一邊拉筋放鬆,不過她好滿意這副前所未有猛料架生,見到有鏡頭高抄(由高角度拍攝),她即大笑:「呢個 AV角度,勁呀!
「唔知點解啲客戶咁睇得起我個胸,唔係我個樣囉!而家睇見自己個胸,都有啲受寵若驚,你諗吓幾開心呀,以我咁嘅年紀,有咁嘅架生喎,嘩,唔得了啦直情,哈哈……」

江美儀帶埋兩隻愛犬去影相,吳君祥負責湊狗,等江美儀唔使埋位,就可以玩狗。

江美儀忽然攞男友副眼鏡試戴。

江美儀雖然已經 46歲,但保持得好好,做埋豐胸代言人之後,上圍簡直澎湃。

見到江美儀咁索,吳君祥都攞手機,影低唔少相。

吳君祥去到拍攝現場探班,實情是𥄫實江美儀今次性感演出。

月前吳君祥一家去旅行,唯獨少了江美儀份。

最近有傳吳君祥有小三嚴淑明,五年前他們已被影到一齊夜蒲。

監場𥄫到實
但拍攝中途,盛傳已經同江美儀分手的吳君祥突然現身影樓,好明顯是要𥄫實女友今次性感演出,而他亦好識做,一到場就萬歲,請所有工作人員食下午茶,在拍攝時又用手機幫江美儀影相,其間又要幫手照顧住江美儀兩隻狗仔。
對於江美儀身材變化,身為「用家」的吳君祥就好興奮,「直情流晒鼻血,一返到屋企就要攞住紙巾嚟抹。」江美儀聽到男友咁講,都好抵死表示:「咁門口要掛定卷紙巾,哈……」
江美儀同吳君祥近一年都甚少行埋,有一段時間都沒有被人發現一齊現身,甚至連吳君祥與家姐吳君如一家同父親夏春秋,每年一度家庭旅行,江美儀都竟然缺席,難怪被猜測已分手。

稍為𠌥低少少,江美儀露出深長事業線。

對於結唔結婚,江美儀表示唔會為了一張紙而結。


影到腰酸骨痛,江美儀要行埋一邊拉筋。

之前喺《同盟》做 Rainman一角,雖然得五集戲,但被網友讚有神級演技。
分隔兩地

江美儀想法有點悲觀,她唔相信有一生一世。

難得二人合體,當然要問他們感情狀況,江美儀就表示:「我哋一直都冇進步,亦都冇退步,係唔知點解啲人成日覺得我哋有問題之嘛!成件事係而家佢(吳君祥)喺北京,我喺香港,因為分居所以大家誤會咗。」
既然是這樣,會唔會考慮叫男友返香港,又或者妳跟他北上發展?
「有諗過叫佢返香港,但係又咁喎,佢喺國內發展得幾好,佢又 enjoy,我又 enjoy呢度,老老實實而家我做好多角色,大家都有留意,好多大家都讚,貿然離開我唔捨得喎,我覺得唔係時候拋棄一切去北京喎。」江美儀說。
其實有冇結婚嘅打算?
「呢個問題問咗十幾年,攞張紙,其實同而家關係冇分別,唔需要因為你哋懷疑我哋,要做啲嘢去話俾你聽,我哋點樣,其實我哋兩個舒服,知道發生乜事咪得囉。」江美儀說。
唔係天長地久

謝沇錤因為覺得江美儀夠「平凡」(胸部),所以搵她做代言人,幫她大變身。

但係有傳吳君祥有小三,加上分隔兩地無王管,問到江美儀怕唔怕,她就充滿自信。
「佢驚過我吖(望一望自己個胸),仲要影埋呢輯相,不如你問佢驚唔驚我有小鮮肉好過啦!」江美儀說。
「互相嘅,大家都有市場。」吳君祥說。
之後江美儀再認真表示:「其實呢個世界上冇嘢係天長地久嘅,我會盡量去維繫囉,唔得咪 let it go,唔好咁執着囉。或者有一日我遇到一個好鍾意,咁我會同佢講,我想試吓喎,又或者佢遇到一個好鍾意喎,咁我咪祝福你。唔好諗住一定係一生一世囉,好多嘢今日唔知聽日事吖嘛,最緊要而家開心。」
現年四十六歲的江美儀, 90年代被星探發掘入行,出道初期已經與周潤發拍廣告,又曾演出劉德華 MV。
92年,江美儀簽約無綫,其後轉投亞視,於亞視做一姐多年。
09年重返無綫,受無綫力捧,一劇接一劇,包括《名媛望族》、《衝上雲霄》及《親親我好媽》等,成功入屋,人氣急升。

貧胸
以前江美儀一直被笑指是「貧胸」一族,冇身材冇睇頭。

黑絲
《名媛望族》的黑絲,是江美儀經典代表作之一。

亞視年代
於亞視十年,江美儀拍過多部電視劇。

拍發哥
出道時,曾與發哥合拍洗頭水廣告而為人所認識。

擔正女一
今年憑《親親我好媽》成功坐正做女一,套劇收得叫好叫座,有望做埋今年視后。

嘴馬明
13年,於《衝上雲霄 II》與男神馬國明上演肉緊嘴戲。

攞女配角
近年人氣急升, 13年憑《衝上雲霄》獲最佳女配角。
屢傳分訊
04年,江美儀與吳君如胞弟吳君祥撻着,自小與吳君祥的細佬讀同一間小學,吳君祥則大她四年,其後在一公開場合重遇而擦出愛火,至今二人拍拖兼同居十三年,不時孖住出席活動,江美儀更融入家中,經常現身吳家活動,早已被男方家長視為新抱仔,卻一直未有結婚打算。
多年來,吳君祥一直被指一事無成,住靠家姐,食靠女友。 12年,更被拍到趁江美儀飛巴黎拍劇沙沙滾,背女友偷食中女嚴淑明,於夜店嘴女,但江美儀採取隻眼開隻眼閉態度,表示:「當佢應酬。」早前,吳君如生日,江美儀冇影,更指男友於北京開製作公司,一年只見四、五次,聚少離多,二人再傳分訊。


江美儀同吳君祥拍拖十一年。

江美儀其實已經融入吳家當中,同夏春秋及吳君如關係不俗。

撰文、攝影、攝錄:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()