當年發展唔理想,鍾沛枝毅然離開,眨吓眼已經離開娛樂圈十年。

繞場壹週

High tea值 68萬 鍾沛枝被女藝員呃去富豪飯局

贊助商連結

退出娛樂圈十年的 01年港姐亞軍鍾沛枝,難得再現身幕前,在今集《繞場壹週》做嘉賓,同陸詩韻及陳倩揚講選美秘史, Gigi(鍾之洋名)退出娛樂圈隨即轉戰國泰地勤,現時從事美容 training工作的 Gigi在節目中剖白收埋多年的秘密,包括接下一個老闆秘書的電話邀約,以 68萬去酒店下午茶,以及被藝員同事騙去了一個神秘富豪飯局。

 



在大台期間,女藝員以敍舊作借口呃鍾沛枝去了唯一一次的富豪飯局。

與鍾沛枝同屆的港姐稱,曾有參選佳麗充當中介人安排富豪飯局。
敍舊變咗富豪飯局
自有選美比賽開始,便盛傳有富豪飯局的出現,參與過的當事人,甚少肯現身說法解開謎團。昔日廿歲出頭的鍾沛枝試過被藝員同事哄騙食飯,去了人生唯一一次的富豪飯局, Gigi笑稱對方已離開娛樂圈,不想影響他人生活,絕口不提對方身份,反而是節目出街後,有同屆的港姐指當年有佳麗充當中間人安排出席飯局。
鍾沛枝︰「其實我真是試過一次,但是在不知情下去咗!係一個藝員女同事約我食飯,佢約咗我好耐,所以就去咗!」
Frederick︰「即是你只想大家聯誼一下?」
鍾沛枝︰「佢約我一個地址,去到之後又有一架車來接我,原來唔係喺嗰度食飯!上車後覺得好奇怪,又見唔到我嗰個朋友,然後就載咗我去一個地方,嗰個地方又唔係好似普通酒樓,喺私人會所裡面。」
陸詩韻︰「載你去邊度你都不知道呀?」
鍾沛枝︰「自己嗰陣時真的很傻,現在諗番就會……第一首先你唔會上嗰架車,第二你會即刻打俾朋友,問佢喺邊度?其實嗰陣你唔會諗太多,只會覺得可能係佢搵人來載我。去到嗰個地方一打開門,裡面已經坐滿人!」

01年楊思琦大熱,由頭帶到尾,鍾沛枝坦言只屬黑馬。

今集《繞場》嘉賓陳倩揚(左)、陸詩韻和鍾沛枝同屬港姐亞軍,也分別在不同的航空公司工作。

在大台拍劇不多,反而頻頻做歡樂小姐接待外賓, 02年曾與朱凱婷接待張國立(右二)等國內演員。

參選期間,鍾沛枝與楊娜(右)感情最要好。

參選時年僅 19歲,總決賽答問環節冇一條答到。

Frederick︰「我見 Gigi吞咗啖口水先講,然後情況係點?」
鍾沛枝︰「好驚!坐滿咁多人嘅!一圍中菜,有男有女,有個男士旁邊有個空位,即是我一定坐呢個位!」
Frederick︰「你朋友究竟有冇嚟到?」
鍾沛枝︰「我坐低就問:『我個女仔朋友去咗邊?』佢話個女仔唔嚟食飯,不過一陣唱 K會見到佢!我心諗我都冇話去唱 K。被迫食咗呢餐飯,返屋企同媽咪講今日嗰個人約我去吃嗰餐飯,但我去到見唔到嗰個女仔!」
陳倩揚︰「但嗰餐飯有無事發生?」
鍾沛枝︰「冇呀!純粹食飯。但係嗰個人第一句就同我講:『我約咗你好耐!』我就覺得一定係我朋友做咗啲手腳,其實根本唔係普通食飯!」
陳倩揚︰「之後仲有冇再見?」
鍾沛枝︰「有見過!佢真係同我講其實係嗰個人想約你吃飯,但我其實一毫子都沒收過。」
陸詩韻︰「佢有冇解釋點解唔直接同你講,而要這樣做?」
鍾沛枝︰「佢根本知道我嘅性格係唔會出去!而家自己就會知道原來是去咗一個不應該去嘅飯局,如果你老實跟我講,我係唔會去食。」
Frederick︰「你嗰個同事可能係一個中介,佢嘅副業就係專業約食飯,可能係咁樣!」
鍾沛枝︰「但我冇收過錢,佢可能會中間收咗啲利益,我不知道係咪有利益。」
陳倩揚︰「好慘!可能吃飯嗰位男士,會覺得你是收咗錢,你係一個收錢食飯嘅女仔。」
寂寂無聞

離開無綫,隨即考入國泰做地勤,一度成為傳媒追訪對象。


現年 35歲鍾沛枝, 19歲便參加港姐獲亞軍,同時被封「突破原美小姐」,其後鍾沛枝再代表香港於南非太陽城參選「世界小姐」,但無緣奪獎。
入行後鍾沛枝僅拍過劇集《金牌冰人》、《酒店風雲》、《天涯俠醫》和《天幕下的戀人》等,但都是二、三線角色,鍾沛枝在無綫大部分時間都是主持《都市閒情》。
在娛圈發展不如意,鍾沛枝 07年離開無綫,其後在娛樂圈銷聲匿迹,轉行去國泰做了四年地勤,輾轉又做過幾間美容公司公關,又開班教美容,辭工回復自由身,現在閒時幫家人打理燒味飯店,去年,被拍到與拍拖 3年的澳洲籍男友藍先生在中環置地行街,卻表示未有結婚打算。
68萬現金下午茶
通常港姐都特別會惹來一啲富商飛來蜢,陳倩揚同陸詩韻都收過男士慕名遞上名片,但都不及鍾沛枝,接下老闆級的秘書電話,相約食一餐有六十八萬現金的下午茶。
鍾沛枝︰「我試過收到啲不明來歷的電話,你唔知道佢哋點解會有你的電話?佢會打來話想約你食下午茶!佢話係某某嘅秘書……仲話俾一筆錢上車就可以先攞,然後就可以去吃喇!我話唔好意思……你係邊個,點解要同你食下午茶?而且仲要俾錢我食下午茶,我覺得很奇怪!佢話有六十八萬現金,你會覺得點解是六十八萬?六十八萬一個下午茶係好貴,而且仲要係現金,即是要攞住一袋嘢!但首先我唔會去食,拒絕咗佢!佢話喺黃埔咩酒店約你食下午茶……原來呢啲可能就是雜誌經常講嗰啲,我自己都有咁諗過!」

現年 35歲的鍾沛枝,自從去年同澳洲籍男友藍先生甩拖後,感情未再有着落。


鍾沛枝(右)同朱千雪(左)出現撞樣情況!

鍾媽媽 keep得好,同鍾沛枝出街似姊妹多啲。
Frederick︰「有沒有即刻同 TVB匯報?」
鍾沛枝︰「冇呀,冇話俾 Rosa知,我驚俾佢鬧!佢會問喺外面識咗啲乜嘢人,做咩俾電話人哋!」
陳倩揚︰「我冇試過冇呢啲經驗,問一下 Sharon!」
陸詩韻︰「其實派唔派卡片視乎個人,即是可能佢都係禮貌地俾你卡片。問題係我哋嘅身份,可能當選嗰年就會尷尬啲。因為我們左右都是護法!通常這種情況好少收到卡片,因為要俾或者聯絡的話,都係俾 Rosa或者同事電話。講真做空姐時收卡片收得仲多!我覺得港姐的身份反而令到一啲人有少少卻步同尷尬,即係你遞卡片過來做咩?佢都會覺得好似唔係太好。」

鍾沛枝全面退出娛樂圈,陳倩揚轉戰其他電視台,而陸詩韻近日重返大台接拍《深宮計》。

已轉行到美容公司做 trainer的鍾沛枝,定期幫公司大型的員工訓練課程。

富豪飯局
娛樂圈屢傳有富豪飯局,不少藝人亦自揭被問飯局價,富豪出手闊綽,特別喜好選美出身女星,一餐飯價錢可以去到七位數字,女星賺錢好容易。
葉翠翠


05年港姐冠軍葉翠翠,初出道曾獲律師曾權威邀請約食飯,事後曾律師自爆俾咗八千元利是葉翠翠。 07年,葉翠翠被拍到出席富豪方振文飯局,被指識「老細」,其後袁彌明更公開暗指葉翠翠貪慕虛榮。
楊恭如


亞姐冠軍出身的楊恭如, 03年被揭主動搵「富豪中間人」 Boe媽(顧紹芬)穿針引線下,出席上海籍億萬富豪朱紹雲飯局,事件爆出後楊恭如亦親自承認,但否認認識 Boe媽,一度激怒對方,並向傳媒力數楊恭如。
唐碧霞


16年退選港姐唐碧霞( Yoki),去年以拍戲為由決定退選,未選前曾捲入「 20萬富豪飯局」,她在 fb上載一張疑似被內地富商邀請出席飯局的截圖,開價 20萬,並在數小時後急刪。
撰文:娛樂組
攝影:蕭敬漁
部分圖片:《蘋果日報》
化妝: Frederick@Candice Li、陸詩韻@Lugarcia
服裝:陸詩韻@Jaspal、陳倩揚@Ted Baker
場地提供: Harlan's@The One

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()