黃浩然拎住性感紅色內衣褲當街調戲煒哥。

探熱針

俾黃浩然扯胸圍底褲 失婚陳煒被調戲

贊助商連結

自從煒哥承認同老公顏志行原來已經離婚五年,回復單身的煒哥專心寄情工作,日前她現身油麻地龍蛇混雜地方,雖然 43歲但有樣又有身材,難怪佢俾成班麻甩佬圍住來調戲,仲要俾人拎住啲胸圍底褲來「索」,搞到煒哥當街求救。

 


俾仔圍
之前要人前扮幸福「人妻」,上年拍飲食節目仲要飛去搵前夫顏志行做「大龍鳳」扮恩愛,陳煒有苦自己知,今年前夫拖嫩口台灣歌手鄭雙雙,搞出偷食疑雲,陳煒終於澄清同前夫已經離婚五年!
失婚已經夠慘,事後仲要被圍插指她有心「瞞分訊」,好彩煒哥夠硬正,在新劇《果欄中的江湖大嫂》擔正做女一嘅煒哥繼續搏殺工作,早前穿上白色短裙的她現身油麻地為新劇開工,劇情講到黃光亮幫手推行李喼時,一個唔小心個喼爆開,散到一地性感喱士胸圍底褲,煒哥隨即俾成班麻甩佬圍住來調戲,仲要喺佢面前拎住性感內衣褲不停又扯又「索」,煒哥即時發癲大嗌,之後黃浩然同拍檔仲要拎起成 set內衣幫煒哥度身,搞到煒哥好尷尬!

煒哥發火將胸罩丟落地。

成班麻甩佬當眾拎住煒哥的胸罩底褲來研究,激到煒哥扎扎跳。

散到一地內衣,煒哥好徬徨。

戴耀明係咁喺煒哥面前「索」條紅色 under,好變態。

煒哥並未受失婚一事影響,開工期間同黃光亮吹水。

俾成班麻甩佬調戲完,陳煒換上另一套戲服繼續開工。
有人追
同前夫顏志行再見亦是朋友,早前仲科水俾煒哥買豪宅,大把 cash喺手的陳煒生活無憂,加上個樣 keep得好,煒哥大把 market,據知宣布回復單身後,已經吸引到人追求!
「我哋身邊班朋友個個都鼓勵佢識多啲人㗎,佢都冇話收埋自己,仲好踴躍出席朋友聚會,佢都有人追㗎,不過佢話難得而家工作咁順利,想放多啲時間喺工作上面,拍拖嘅嘢隨緣!」陳煒身邊人透露。

復出無綫嘅煒哥,經常性感上陣搏到盡。

上年主持《煒哥的味道》時,煒哥講大話孖前夫出鏡晒恩愛。

顏志行同台灣歌手鄭雙雙經常密會,令陳煒澄清同前夫已離婚五年。
撰文:娛樂組
攝影、攝錄:余一樂

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()