探熱針

傳加碼 10萬受訓直入《中國新歌聲》 龐景峰認去到一半唔玩

贊助商連結

前身是《中國好聲音》的內地唱歌比賽《中國新歌聲》,由於參加過比賽的歌手,不單有機會出唱片,更可以學員身份在全國做騷賺人仔,不少有知名度的香港歌手都願意放下身段參加比賽。
據了解,以歌手身份入行的龐景峰,原來五月經中介人到上海接受訓練,一直以為俾足十萬就可以直入比賽,其後再被要求加碼到二十萬才有「資格」入圍,他隨即放棄唔玩。雖然否認有俾錢,但承認訓練到一半就走人。

 


廿萬先入圍
前兩年以《中國好聲音》播出街時,在香港出過唱片,有唔少 hit歌的李幸倪、巨聲幫鄧小巧和男子組合 KillerSoap主音陳樂基都先後參加過比賽。
據了解,曾經在韓國接受歌手訓練,一五年跟當地歌手朴嘉熙合唱出過歌的龐景峰,年中經一間內地中介公司搭路,指報名接受一個十萬元的培訓課程,便可以直入《中國好歌聲》比賽,且好大機會被選中進入其中一個導師團隊。因為簽了保密協議,故龐景峰未有向任何人透露,但期間忍唔住在訪問中開心 share,表示即將有大單嘢發生在自己身上。
「 Andrew(龐景峰)私下同 agent傾好晒,之後先叫經理人去睇合約,但就從來冇話俾公司知要俾十萬蚊,因為合約冇寫,公司都以為唔需要任何費用。之後間 agent又要攞多十萬,件事冚唔住,經理人公司同媽咪都知道, Andrew先放棄返香港。」知情者說。

《中國新歌聲》今年請來陳奕迅做導師之一,跟好朋友周杰倫節目中鬥搶有潛質學員。

龐景峰跟老豆錢小豪一樣打得,兩父子經常在公開活動「郁手郁腳」表演真功夫。

龐景峰入娛圈不單有老豆睇住,郭秀雲亦努力栽培,宣布入行,她不時帶住兒子出席活動,爭取曝光。
受訓一星期
對於參加培訓,龐景峰承認確有其事,但堅稱冇俾過錢,他解釋唔玩原因:「係公司幫我安排一切,我冇俾過錢,唔清楚,你喺邊度聽返嚟!因為公司開咗部《竊密者》,我要返嚟開工,所以訓練咗一星期就中途退出。始終我都想 concentrate番做武打演員呢樣嘢!」

有功夫底的龐景峰參與老豆錢小豪有份執導的殭屍電影,跟前輩樓南光、吳耀漢等合作。

一心在電影圈發展做打星的龐景峰,自言每日做體能訓練,又學空手道鍛鍊身手。

經理人公司星淘有份投資的電影《竊密者》,演員包括鄭則士,吳鎮宇等影帝級演員。

15年,龐景峰曾經在韓國接受唱歌和跳舞訓練,並指簽約當地公司出唱片,更將集訓期生活片段放 ig。回港後,在活動騷唱功。

 

龐景峰跟有翻版柏芝之稱的楊呈早前分手,而男方日前被拍到同新女行街 shopping,已經有着落。
八強止步
曾經參加《中國好聲音》的香港歌手,有實力甚至有一定知名度,不過最好成績的李幸倪,都不過是八強止步。
鄧小巧


14年,由名牌音樂監製陳奐仁推薦參加比賽的鄧小巧,在大台一班巨聲幫中屬唱得之人,但也只能玩到 24強就出局。
Robynn& Kendy


有指成員之一 Robynn葉晴晴祖父是已故中共開國元老葉劍英,具有紅色勢力, Robynn& Kendy在 15年亦有機會參加比賽,節目更有大篇幅報導二人才華。
李幸倪


有靚聲王之稱的李幸倪,在香港唱贏唔少歌手,不過有指參賽歌由大會拍板,且大部分相當有難度,李幸倪能進入八強,已經好高水準。
陳樂基


組合 KillerSoap主音陳樂基,以粗獷聲線唱李克勤的《月半小夜曲》殺入比賽,雖然未有勝出,但聲線特別被留意,之後在內地做騷搵真銀。
衞蘭


16年被大會發請柬邀請參加比賽,不過有小天后之稱的衞蘭未為所動,最後沒有參賽。
撰文、攝影、攝錄:娛樂組

文章標籤
創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()