婚後工作多生B隨緣

樂基兒話黎明冇祝福

贊助商連結


■樂基兒婚後首現身出席活動,性感打扮的她明艷照人。

撇甩「天王嫂」頭銜的樂基兒(Gaile),於香港時間上月28日在美國加州再婚,嫁給拍拖兩年的商人Ian,昨晚Gaile婚後首現身,到中環出席品牌Roger Vivier秋冬系列發佈會,着性感低胸裙的她明艷照人,身材甚弗,同場還有林心兒、楊張新悅、陳小韻、Rosemary及Amanda S.等。


■已為人母的楊張新悅封胸示人,靠一對長耳環突圍。


■Rosemary最近操得好弗,完勝展露馬甲線。

病足一星期

問到在婚禮上有否跟老公互許愛的宣言?Gaile說:「冇呀,因為嗰日好熱,儀式都係兩分鐘左右,我哋想好好享受嗰一日,並唔係要搞一個派對。」至於婚禮最感動的部份,她甜笑說:「最感動見到朋友由倫敦、美國、澳洲、香港嚟到,因為地方真係好遠,又收到好多fans祝福。」前夫黎明有否送祝福?Gaile坦言:「好似冇,因為自己一直用美國電話,冇留意香港電話有邊個打畀我。」
曬了一身古銅色肌膚的Gaile,大呻婚後病了一星期,所以未去度蜜月,她計劃年尾才出發。至於婚後的感受,她說:「冇乜特別唔同,因為病咗,遲啲要飛上海,成日叫自己relax,可能結婚緊張得滯病咗,身體承受唔到飛太多次。」


■林心兒一身白look好pure,可惜滿面油光令靚樣打折。


■Amanda S.單手叉腰,輕晒事業線。

做KOL推瑜伽

問到有否造人計劃?Gaile說:「順其自然,冇刻意去計劃,冇特別去嘗試,亦唔想畀壓力自己,我哋兩個有冇小朋友都冇所謂。」
問到Gaile婚後會否減少工作,好好享受二人世界?她說:「未必可以,因為要做一個煮食節目,仲有瑜伽工作,自己開咗新公司,要做瑜伽推廣健康。」還笑言自己會做KOL,現跟香港及外國頻道傾網上播出事宜。
採訪:盧妹
攝影:仇志德


創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()