黃百鳴請索女睇戲

贊助商連結

黃百鳴(百鳴哥)係圈中出名嘅好好先生,佢同老婆結婚四十幾年,一直恩愛,冇乜緋聞埋身。不過,早排東姑就喺佢公司旗下、柴灣新開嗰間戲院「Cinema City」遇上佢,見佢包場請一大班朋友,入場睇法國動畫片《天使愛芭蕾》。當中,見佢對兩名長髮索女特別體貼照顧,堂堂大老闆走去小食部排隊,買埋汽水請兩個女仔飲,認真gentleman,完全無懼令人產生誤會。

其實,佢係謙謙君子,對女性朋友固然有風度,就算係嗰日遇到唔相識嘅柴灣街坊,捧佢場去到戲院睇戲,大家埋去要求同佢影合照,佢都笑容滿面咁有求必應,仲逐個逐個慢慢影,就算遲咗入場都唔介意,勁nice!

百鳴哥邀請大班朋友,去佢喺柴灣新開嘅戲院睇戲,仲對當中兩個長髮索女朋友,特別照顧。

 

喺戲院大堂,撞到啲熱情嘅觀眾,百鳴哥有求必應同fans影合照。

 

就算係男人搵百鳴哥合照,佢都笑容滿面,一律無任歡迎。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()