擁逾億元物業 薛家燕接新劇開3大條件

贊助商連結

有「娛圈隱形富婆」之稱的薛家燕,自九六年復出後,將辛苦賺回來的錢,皆用作投資買「磚頭」,至今坐擁七個物業,總市值過一億元。

現年六十七歲的家燕姐,雖然有錢,但仍不言倦,繼○九年拍劇集《富貴門》,拍到入院後;早前,她為趕拍無綫新劇《燦爛的外母》,又一度險中暑及患上流感,結果搞到「冧廠」,體重驟降五、六磅。健康要緊,見過鬼怕黑,她於是開下再拍新劇的三大條件:一年一劇、拒夏天拍攝,還有要靚妝示人。女人果然係要靚唔要命!

昔日,家燕姐肥肥白白,雙頰脹卜卜, 更見三下巴。

 

薛家燕孭飛的新劇《燦爛的外母》,拍完即出街, 因之前趕工拍攝,她竟捱出病來,「冧廠」一日半,更清減了五、六磅,面頰都變削了。

 

母女同病

家燕姐有份參演的無綫新劇《燦爛的外母》,上月底拍畢,今周已火速出街。外傳,《燦》劇是取代《三個女人一個「因」》搶閘播出,原因是有她坐陣,深受廣告商歡迎,故該劇的廣告時段馬上爆燈。雖然她只表示︰「佢哋(無綫高層)睇完第一集,覺得好睇。」但已間接承認其事。近日,她正趕緊為該劇的後期配音、錄製主題曲、拍宣傳片及做訪問等,忙個不停。

由於《燦》劇趕出街,早前,家燕姐既要拍劇,又要主持《流行經典50強》,所以她除了要連續開工十八小時之外,還要連日在烈日下拍攝,弄致她不僅差點中暑,更周身生汗疹。當時,她就訴說︰「唔慣天時咁熱拍嘢,前嗰幾日,仲發現生晒汗疹,要搽止癢液止痕。」身體每況愈下,最後她還中了流感,「冧廠」收場,連帶替她打理演藝工作的大女石祐珊,也同告病倒,更入院留醫。

拍劇拍出病,家燕姐重述病情:「初時以為係感冒,但熄晒冷氣都仲凍,跟住我又有發燒;不過,我都照出外景,跟住落雨又淋濕。原來我係中咗流感,咳到個肺痛,瞓唔到,好辛苦,唞咗一日半,打咗流感針同開聲針就再入廠,都瘦咗五、 六磅。」

〇九年初,家燕姐曾接受割膽手術,當時由於休息不夠兼日夜顛倒趕拍無綫劇《富貴門》,最終引致胰臟發炎、肺積水等併發症;期間,她一度昏迷,幸最終逃出鬼門關。再加上,今次中流感事件,家燕姐深明健康的重要,否則有錢冇命享;所以,她未來再接拍新劇,必須符合三大條件,「我哋成班人拍《燦》劇好開心,啲同事話咁快出街,應該好快會開拍續集,我就話要冬天,出年年尾啦。第一︰始終年紀問題,啱啱拍完,呢一年唔會再拍劇。第二︰o依家天氣唔同以前,好翳熱,令你好唔自在,夏天唔敢接;仲有o依家用高清,汗出得多,個樣都唔靚。」

早前,家燕姐到太子拍外景,劇中的她因有高血壓而暈倒在街上;當時,家燕姐身體抱恙加上天氣酷熱,難怪她三秒即暈,演得極為逼真。

 

家燕姐對未來新抱Zoe有讚冇彈︰「Zoe好乖, 佢好支持我個仔,對長輩又尊重,好有愛心,我畀佢一百分。」

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()