王君馨求教李亞男御夫術

贊助商連結

三十一歲嘅王君馨(Grace),同佢嘅圈外男友Daniel結束十一年愛情長跑,月前正式喺美國註冊,再喺香港擺酒。Grace剛榮升做「人妻」,身份唔同咗,雖然佢喺事業上仲係咁搏殺,但係夫妻之間既相處之道,都要抽時間學習一下。

一班嫁晒嘅好姊妹之中,以李亞男嫁得最早,亦嫁得最好,同王祖藍幾時都咁sweet,而老公婚後仲事業更上一層樓,開埋自己嘅製作及經理人公司做老闆,相信李亞男喺背後默默嘅支持,唔多唔少係推動老公工作嘅原動力。

日前,東姑就見到Grace相約亞男,去到金鐘一間酒店餐廳high tea,兩姊妹見面坐低,即刻好傾到雞啄唔斷,兩人「吱吱斟」girl's talk各自講下另一半。相信Grace呢個新手「人妻」,亦乘機向亞男請教下御夫術,點樣令老公貼貼服服,使到Daniel都似足祖藍呢個「愛妻號」咁,錫老婆錫到燶!

Grace同老公仔Daniel新婚幾個月,好多夫妻之間嘅相處之道要識,真係有排佢學。

 

新手「人妻」Grace約埋李亞男去酒店餐廳high tea,趁機請教下好姊妹嘅御夫術。

 

出席完公開活動後,Grace邊行邊同身邊人傾偈講笑,興奮到不停指手畫腳,兼手舞足蹈。

 

Grace當日所着嘅短裙超迷你,短到啱啱過pat pat,上車落車動作稍為大少少,都會春光乍洩。

 

經驗豐富嘅佢,上車落車都會用手掩護下pat pat,力保不失。

創作者介紹

明星八掛大分享★☆

tvb4life 發表在 痞客邦 PIXNET 留言(0) 人氣()